晢晢仲有兩個月就兩歲, 媽媽諗~~都可以慢慢訓練晢晢用筷子啦掛~! (或者早咗d, 不過當遊戲玩下都冇壞丫~!
)
媽媽原先o既計劃係: 先畀晢晢用夾仔夾毛毛球練手指力及協調, 熟練後就用幼童筷子, 再熟練後就一步步用筷子夾食物進食~! 
走咗幾間書局, 終於畀媽媽買到好靚o既彩色毛毛球, 返到屋企已急不及待畀晢晢玩, 不過當開始玩時先發現個夾仔開口位太細, 就算大人夾都有d困難, 之後反轉間屋都唔見有第二個夾, 就索性直接拎對幼童筷子畀晢晢玩啦~!
哈~! 估唔到晢晢符符碌碌又夾到wor~! 
唔好理佢手勢正唔正確, 只係睇晢晢每夾到一個毛毛球都興奮過中咗頭獎都已經夠好笑~! 
呢日媽媽上午要返工, 所以3點多先可以帶晢晢到天樂幼兒園參觀, 好在夠近~!
其實呢間學校媽媽喺今年年頭都參觀過, 當時感覺都唔錯, 地方大, 環境好, 設施新, 老師亦非常友善
… 但今次開放日, 唔知係咪因為已到尾聲(5pm完, 媽媽3點多到), 感覺有點冷清
, 而且想搵個老師問嘢都冇, 又冇咩好玩咁, 只見好多著住天樂校服o既小朋友喺度走來走去, 感覺似係佢哋自己學生o既活動日多於開放畀外界o既「開放日」… 不過一場嚟到, 媽媽都帶晢晢四處走下, 又同晢晢參加咗一個某機構喺天樂舉辦o既奧福音樂班試堂~! (並不是天樂主辦!)
其實媽媽對奧福音樂都略有所聞, 試過堂後都覺得有趣好玩之餘都學到音樂(起碼見晢晢好快就會跟上拍子拍拍大肶, 拍拍膊頭, 又會跟住做動作, 轉轉圈…
), 但媽媽個人覺得導師有點兼顧不足(所指係某機構的導師, 並不是天樂老師), 眼見同房有四至五個年紀較長著住校服o既天樂學生, 或者因為佢哋能跟上指令而且較投入, 所以導師雙眼一直只放喺佢哋身上, 無論示範動作, 收樂器等導師都只會專注於天樂學生身上, 對其他冇著校服o既小朋友就比較冷漠, 媽媽直情覺得畀人當透明咁制... 所以… 報名免問lu~~
之後媽媽睇埋學校d教材同教科書就齊齊返屋企休息~!
雖然好似冇咩收穫, 但呢日之後, 每次經過呢間學校門口晢晢都會指住話:「呢度玩玩丫~!
」睇嚟晢晢都幾鍾意呢度~! 不過… 晢晢, 有得玩你邊度都鍾意架啦~! 等媽媽再同你睇多幾間先再決定啦~! 
<BIG BEAR，SMALL BEAR>呢本書仔內容好簡單, 但媽媽就係鍾意佢夠顯淺易明, 咁先唔會嚇怕晢晢~!
每頁只有2-4個晢晢熟悉o既生字, 對學習運用single word組成couplet好有幫助! 亦有助培養獨立閱讀能力~!
除此之外, 呢本書仲有助學習分辨big & small, heavy & small, little & much, tight & loose 仲有 just right…
tight & loose概念點樣先令晢晢更加明白呢!? 就係叫晢晢著起媽媽條褲, 而媽媽就著晢晢條褲喇! 晢晢見自己著到上心口, 行幾步就會跌落嚟就知咩係too loose, 然後見媽媽穿到上小腿就穿唔上, 就知咩係too tight! 之後我哋就交換著, 就明白咩係just right啦! 
個多月前已發現晢晢已有分別大小o既概念~!例如…
某日我哋一家三口經過運動用品公司, 入面有一大籃特價足球/籃球/網球等, 爸爸每次只會拎兩個畀晢晢揀, 晢晢每次都會揀大果個, 而我哋最後決定買果個就係成籮之中最大o既籃球仔~~~ (已經一屋都係波, 又買…
)
又例如平日喺屋企, 晢晢會不斷嘗試拎唔同大小o既波波放入某件玩具o既入口中(入口大概比一個乒乓波大一點)~! 當晢晢第一次因波波太大放唔入而一臉茫然時
, 媽媽就即刻同晢晢講: 「No, it is too big! Try another one」, 經過幾次重複嘗試後, 當晢晢放唔入個入口時, 就會自己講: 「No, Too big!
」, 然後再試其他波波直到放得入為止~!
媽媽見晢晢已有初步概念, 就拎返數個月前買落o既數學教具出嚟玩(分辨大小), 本來一直都需要提示先可以放對位置, 但原來不知不覺間晢晢已學會且會自行放對位置~!
之後媽媽再拎返喺書展買落o既有關分別大小o既書仔, 無論媽媽問: 「Which one is big/small?... Can you point to the big/small bear? … Is this hat big or small?... 」晢晢都會正確回答~!
而家, 媽媽久不久都會拎兩個唔同size既東東問晢晢「邊個大? 邊個細?」, 晢晢會諗一諗, 然後就會答出正確答案!
近來同班0712媽媽朋友傾開, 原來小朋友喺呢個階段除咗要識分大小, 仲要識分高低, 上下, 長短等等… 媽媽即管一試問一問晢晢, 發現原來大部份晢晢已經不知不覺問學會, 真係唔知佢幾時學識!? 
小朋友o既學能力真係唔可以小虧~! 等媽媽再諗下d遊戲同晢晢鞏固下呢方面o既認知先~! 
