晢晢扭偒腳 (3)

今朝一早約埋婆婆同工人姐姐一齊帶晢晢去照x-ray, 點知坐咗成個鐘個姑娘先話照果條友請sick leave, 要兩個鐘後先派到令一個人嚟照! 咁冇法啦, 唯有我同爸爸返工先, 婆婆同姐姐之後再返去照啦…

 

其實今日晢晢情況都ok, 好肯行, 仲行得好快, 但就腳掌時不時反翻, 又易跌…

 

唉, 晢晢唔好有事呀! 媽媽好怕你行壞腳, 咁就一世喇…

 

小記: 今日亞生打畀我, 佢提我原來亞仔份保險有得claim! 早知一早睇兒科啦!! 超低B!!!

 

晢晢扭偒腳 (2)

星期一晚返到婆婆度, 晢晢隻腳係有好轉, 但仍然有腳掌外翻o既時候, 因為都夜, 而婆婆又堅持晢晢冇事, 咁我就諗住睇多日先算… 到今朝佢起身, 隻腳仔係有少少拮拮下, 但係又唔算外翻得好緊要, 我就照返工, 不過一路都好擔心…

 

到今晚返到婆婆度, 晢晢隻腳仔又惡化! 拮多咗又外翻多咗! (唔知婆婆有冇搞錯!? 唔早d打畀我話我知!), 我二話不說即刻抱晢晢去睇兒科! (今晚爸爸仲要夜返, 我單拖帶亞仔去睇醫生…)

 

醫生檢查過後, 膝蓋, 腳腕都冇事, 冇長短腳(度果陣我驚到氣都唔敢抖), 但就發現盆骨位有d緊…

 

醫生話: 我敢講大部份兒科醫生見到你個仔o既case都會judge係盆骨問題, 因為好多小朋友都有先天盆骨問題… 我問醫生如果係咁點… 佢話睇程度… 醫生寫咗紙聽日照x-ray, 星期一拎報告… 我好驚, 千奇唔好有事… 最衰媽媽, 拖咗4日先睇兒科…

晢晢扭偒腳 (1) 27/Apr/2009 (一)

過去weekend第一件大事係晢晢扭親腳.

 

上星期六晢晢跌左一交, 因為好快就收聲, 我就冇理到, 到下晝落街晢晢隻右腳就向咗外返, 行路拮拮下, 當時只諗到對鞋頂指就去買咗兩對新鞋, 又除咗佢對鞋, 諗住抖一陣會冇事, 點知到咗星期日都仍然係咁, 仲有d惡化跡象, 我就好擔心晢晢會唔會有咩事, 怕佢行壞腳咁就一世… 不過完咗幼潛佳都堅持唔睇e生住, 咁我就同晢晢massage+搽喜療妥, 點知到今朝都一樣向外反, 我勁擔心, 加上訓得唔好就喊咗出泥… 婆婆今朝就帶咗晢晢去睇跌打, ec話佢扯親腳指公條根, 卒咗15分鐘已經鬆返, 而家up緊藥, 婆婆話晢晢隻腳已經向返前, 唔似有咩事, 希望真係可以好返晒啦…

晢晢數1-10, 成功~!

晢晢好勁呀! 尋晚接佢回家路上佢自己無啦啦數1,2,3,4,5,6,7,8,9,10! 之後數幾次都冇問題, 我中途試下講”9”, 佢就接住講”10”, 講完仲大笑, 好得意~~

Simmy & 亞豪’s wedding

18號係simmy 同亞豪結婚, 為咗呢一日, 我哋星期五就放咗晢晢去婆婆度過夜, 因為我同佳第二朝要一早出去做化妝同兄弟… 星期五晚我哋食完晚飯就上咗婆婆度見下晢晢, 同佢玩咗一陣… 到9點半晢晢開攰就開奶畀佢, 點知食一陣已經扭眼訓唔肯食, 婆婆就帶咗佢去沖涼, 我哋就襯呢個時間走… 呢晚我同佳都掛住仔仔而訓唔到…

 

18號朝早5點我就起咗身梳洗, 6點出咗口門… 呢日化咗好多個妝, set咗好多個頭… 超攰! 結果呢晚都冇接到晢晢, 要喺婆婆度過多一晚夜…

 

到第2朝, 我8點半就起咗身, 一心想去接仔, 但個頭好痛, 唯有嗱嗱聲食藥再hup一hup, 拖到差不多11點先出門口接晢晢… 一上到婆婆度, 晢晢喺網床見到我哋就喺度笑, 果下我有d想喊, 因為實在太掛住仔仔喇… 我抱住晢晢坐喺我大肶面對面咁玩, 叫佢bounce, touch your head, toes, nose, hair, shoulder… close your eyes, open your mouth… arms up… fingers, no, yes… 叫佢講”baby”… 全部都好乖做足晒~~~ 好抵錫~! 所以唔怪得我咁掛住佢架~! 喺呢個時候我同自己講, 為去飲搞到要放低仔仔兩晚冇得見實在太唔值得, 我決定以後都唔會再做姊妹/幫手… 我要對我個仔負責任!

晢晢發燒呀

婆婆突然話我知晢晢發燒, 唔知咩原因, 今日爸爸今晚夜返, 得我一個揍… 唔知頂唔頂得順!?

 

24/Apr 後記: 當晚返到去晢晢都冇乜嘢, 只係好攰咁, e生話佢係喉嚨發炎, 其次e生話晢晢得22lbs, 比起之前增長明顯差咗, 細問下知道主因係睡眠不足… 之後又講到食調味問題, e生話1歲後唔駛再刻意唔食調味, 人食調味係好正常… 婆婆聽到e生咁講就開始放salt落粥…

 

同日晚上帶晢晢返屋企都冇事咁, 我就冇餵退燒藥, 但到5am晢晢就扎醒大喊, 原來又燒返, 仲肚疴, 搞到我哋冇覺好瞓, 不過餵過藥後又冇咩事… 咁就算啦~!

 

Your Baby Can Read – Vol 2

晢晢講嘢愈來愈叻, 想睇world family時會講 “woo… world fa mi mi”, 睇YBCR又會跟住讀, 仲讀得好準tim架~!

 

尋晚我見都開始睇vol 2, 我就開咗vol 2 slide card畀晢晢玩, 佢居然喺冇指導下識認讀duck, cup, teeth, 又識用動作表示佢識 “fingers, drum, sitting… 我即刻叫佳佳入房睇晢晢表現一次, 佳佳都好開心呀~!

 

而家晢晢講嘢多到我都唔知記唔記得咁多, 呢排多咗apple, banana, o, keys, 姐姐, ee, 婆婆, 哥哥, 街街, press, tree, 花花, 會主動指住叫”bus”, 車車, shoe shoe, ball ball, 地地(表示要落地), 會一輪咀講嘢表示佢驚某物件(eg彈彈蜜瓜包), 見到英文字母會講 ABC… 真係好得意~!

 

Easter 假期

啱啱個easter假期都幾充實~!

 

10號食完早餐同晢晢去咗公園玩, 玩咗swing, sir滑梯, 上落樓梯, 晢晢好開心~! 不過呢日我者咗飯仔, 加上晢晢玩到好攰, 勁難餵, 仲搞笑到食食下訓著咗, 搞咗成粒鐘食得大半碗~! 到夜晚又因為計算錯誤, 煲飯煮極都未得, 等到晢晢眼仔訓都未食得… 結果又係勁難餵, 食咗成粒鐘得半碗… ivy 果晚泥咗我哋屋企過夜~!

11號一早同埋ivy我哋一家3口去食mc donald早餐, 之後行parkn買完嘢就去咗樓下個公園同晢晢玩, 好開心~~ 同日教會好多人去咗我哋屋企燒嘢食, 我d屋企人都一齊燒, 呢晚因為忙於照顧晢晢都冇乜心機燒~~

 

13號我哋好難得咁同教會d朋友一行15人返大陸玩, 飲茶, 唱k, 食川菜, 好正~! 今次晢晢冇份, 我哋一早交咗亞仔畀婆婆就出發北上… 呢日係呢年多來第一次“離開”晢晢去玩, 有少少唔捨得, 不過又覺得好relax, 我哋大概10點幾接返佢~!

 

晢晢的語言發展 - 16個月

尋晚爸爸同晢晢沖涼, 佢同我講晢晢已經認到本bath book大部份物件, 仲即時示範我睇, 結果晢晢真係可以順利認+讀到: brush, duck, fish, boat, baby… 發音好清楚~!

 

今朝晢晢見到shoe都主動叫shoe shoe, 我覺得晢晢又大個咗… 唔同咗….

 

"all”殊王

尋晚晢晢又有驚喜畀我…  再一次表示要all c冇甩碌! 唔止! 隔咗一陣, 佢又痴身痴勢, 我以為佢all唔淨再畀佢坐塔啦, 點知一坐, 佢就all咗勁大督殊殊, all完仲lai叻咁笑…

 

晢晢, 你真係好叻, 完全冇教過就學會~~~