咁耐冇update 個 卜, 當然係有事發生… 
晢晢由於一直發燒及肚痾至出血, 7月18日爸爸媽媽就送咗佢入醫院, 實在令人擔心
, 感恩晢晢一直精神不錯, 否則心情更加沉重…
入院前…
7月15日(星期四): 早上, 晢晢突然無故發燒, 婆婆只畀退燒藥。到中午臨出門口返playgroup時, 晢晢再次發燒並主動要求see doctor, 婆婆就帶佢睇醫生, 由於晢晢有點鼻水(其實只係一點點), 醫生就斷定佢係感冒發燒! 開咗退燒藥, 感冒藥及咳水!呢日d燒一直都退下燒下, 亦冇胃口食嘢, 但除此之外, 冇其他不適, 個人好精神, 個樣一d都唔似病…
7月16日(星期五): 仍然燒下退下, 而且有輕微肚瀉, 胃口亦欠佳… 到晚上, 因為婆婆冇講低餵藥時間, 而且見晢晢冇燒, 人亦好精靈, 晚上就停咗一次藥…
7月17日(星期六): 晢晢再次持續發燒, 又話tummy唔舒服要痾ng ng, 結果全日共肚痾6-7次, 最後幾次更有輕微出血情況! (當時仲以為係痾損!), 到半夜3點, 晢晢再次肚痾, 出血情況亦嚴重咗, 便決定明早再睇醫生… (呢日已經係第三日冇食過固體食物, 只肯飲奶…)
7月18日(星期日): 早上, 晢晢繼續發燒及肚痾, 一早去睇兒科, 醫生話係感冒菌入腸, 睇完醫生食完藥, 晢晢竟然肯食半碗通粉, 仲以為已經好轉, 誰不知到中午, 晢晢再次發燒, 又呻tummy唔舒服, 結果痾咗大量血
, 爸爸, 媽媽及婆婆立即帶晢晢前往港安睇急症…
港安醫生初步檢查後就安排晢晢留醫, 可惜等咗一陣話冇床位, 要轉介到其他醫院, 由於成個新界西都再冇其他私家醫院, 所以只好叫醫生轉介到屯門醫院! (真係攞嚟搞, 老遠由大西北走到港安, 結果又要碌返去大西北!!
)
入院了…
7月18日 (星期日): 雖然手執港安醫院轉介信, 但都要等上好幾個鐘先可以上病房, 晢晢被安排到隔離病房…
一上到去, 姑娘就『捉』咗晢晢入房度高磅重, 晢晢對於突然o既分離顯得好害怕, 不停回頭慘叫『爸爸, 爸爸… 』, 狀甚淒涼, 媽媽都要強忍淚水先可以冷靜地聽另一位姑娘講解住入隔離病房須知, 當姑娘講到最後一項『孕婦不得進入病房』媽媽差點要喊出嚟!!! 突然之間話我知冇得見個仔!!!?? 你叫媽媽點接受到!!?? 媽媽不停哀求, 結果姑娘只肯畀媽媽看閉路電視看晢晢, 媽媽見晢晢冇喊個心都定d…
呢晚, 晢晢交咗畀爸爸照顧, 爸爸話晢晢好乖, 冇扭計, 冇喊, 甚至比平時聽話, 醫生檢查時, 甚至被拮『豆豆針』亦冇反抗或喊... (晢晢, 你真係好堅強
!!)
晢晢剛到醫院時片段, 個樣一d都唔似病! 仲食咗半片餅…
媽媽一直於病房門外守候, 其間不時致電爸爸了解情況, 晢晢就拎咗個電話笑住同媽媽講: 『媽咪, 隔離個BB瀨咗臭臭呀! 隔離個BB瀨咗臭臭呀!』媽媽聽見佢仲有心情投訢都放下心頭大石…(呢晚爸爸逗留至11點多, 然後由婆婆接更捱通頂, 真的難為了婆婆…)
7月19日(星期一): 因為醫院唔畀媽媽探晢晢, 所以唯有照返工, 其間晢晢叫工人姐姐打咗幾次電話畀媽媽及爸爸, 每次都呻『手手好痛』(緊係痛啦, 一直拮住咁粗o既支針喺手仔!), 媽媽聽見好心痛… 媽媽安慰晢晢:『你忍下啦, 最多媽咪買維他命C畀你啦, 好唔好?』晢晢低泣著答:『好…』媽媽一放工就立刻跑去買維他命C糖到醫院…
到咗醫院, 由於唔畀探病, 媽媽唯有再次哀求看閉路電視(姑娘有點微言)… 從畫面見晢晢向鏡頭揮手, 媽媽終忍唔住落淚… (個仔係我o既, 仲乜唔畀人見喎!!!)
姑娘同媽媽講, 晢晢精神不錯, 但全日共痾了三次, 每次都有血及一直微燒, 而且胃口極差, 若情況持續就需要吊鹽水…
爸爸怕晢晢悶, 花了五百多元買巴施光年陪晢晢, 有點浪費, 但婆婆話晢晢開心到彈起~! (晢晢:『唔好影啦, 開嚟玩啦!』) …
7月20日(星期二): 媽媽請了假見醫生, 終於有好消息! 早上晢晢痾了一次, 終於再冇出血! 而且胃口好轉, 早上能吃到一小碗粥及奶, 但仍然微燒… 醫生話, 種菌報告起碼三日後才出, 所以現階段只能用一些一般腸胃炎會用到的抗生素, 到報告出了才決定加/減/轉藥及決定留院與否, 然後下一句實在令媽媽興奮!!! 醫生話:『今晚開始晢晢可以放假返屋企瞓, 但每朝仍需回醫院見醫生及打抗生素…』媽媽真的喜極而泣, 等了又等, 終於可以見返個仔喇!!! (晢晢現時只係『放假』, 未正式出院, 所以鹽水針及手帶仍未拆走…)
之後媽媽回家打點一切, 然後6點多再回醫院接晢晢, 當見返個仔時, 媽媽差D喊咗出嚟! 晢晢見到媽媽都好開心, 一直攬住媽媽唔放, 又不停口同媽媽傾計~! (冇見幾日, 晢晢精神比想像中好, 但瘦了許多…)
返到屋企, 晢晢好開心, 不停玩玩具, 又跑來跑去(媽媽就心驚膽跳, 好驚佢撞斷支鹽水針!)… 雖則有點跳皮, 但又見到佢乖巧一面, 因為每玩完一件玩具都係主動放回原位, 完全冇因為住完醫院而忘記呢d好習慣~!
到瞓覺時間, 晢晢亦主動放低手上玩具同媽媽講:『媽咪, 一齊返睡房好唔好呀?』 (真係超乖!) 不過可能呢晚晢晢太過興奮, 碌咗好耐都瞓唔著, 爸爸竟然開隻<阿凡達>畀晢晢睇 (都唔明點解爸爸會覺得呢隻碟啱晢晢睇?), 睇咗一陣, 晢晢就同媽媽講:『媽咪, 佢做咩呀? 我唔知佢講咩呀!?』(哈! 原來你有留意內容架?) 然後再話:『我PLAY閃電王麥坤畀你睇好唔好呀?
』(仔, 你自己想睇咋嘛~!) , 結果播咗半隻碟晢晢就瞓著咗… (呢晚晢晢飲咗280ml奶, 但一直冇痾豬豬, 媽媽有點擔心…)
(小記: 第二日, 晢晢成日同婆婆講話好驚, 媽媽返到屋企就問晢晢驚乜? 佢話:『我好驚阿凡達呀!』… 真係畀爸爸激C…
)
7月21日(星期三): 天未光晢晢就醒咗, 食咗160ml奶不久就再次肚痾, 幸好冇血, 痾完又係鬼打冇咁精神… 約7點多, 婆婆嚟到接晢晢到醫院, 當要求換回醫院衫時, 晢晢大為不悅 (可能擔心要留醫過夜), 之後要求婆婆致電媽媽, 只不斷話:『媽咪, 我唔食奶奶呀! 我唔食奶奶呀!』(唔通絶食抗議?), 幸好醫生檢查過後決定提早打抗生素針, 晢晢大約下午2點就可以回家了~!
總括呢日胃口唔錯, 中午可以食到一碗飯, 晚上亦肯飲奶及食粥, 但仍有肚潟(痾水)…
原來晢晢已經會砌9塊拼圖喇…
7月22日(星期四): 種菌報告出了, 出奇地大便內驗不到有菌, 醫生需要再抽血檢驗, 另外, 晢晢今朝開始失聲及有鼻水, 醫生順手拎埋鼻水化驗。抗生素針暫定打到呢個星期六, 待驗血報告出咗再決定下一步點做~! (媽媽心情有點沉重…冇菌, 但一直發燒, 肚痾, 甚至出血!!?? 何解????
)
呢日晢晢胃口已回復正常水平, 亦係自生病以來第一日冇再肚痾, 感恩~!
正式出院了…
7月23日 (星期五): 驗血報告都出了, 晢晢d血冇問題, 醫生話:『晢晢患o既係普通腸胃炎, 只係較嚴重果隻, 所以出血… 而家已經好返晒啦! 唔駛再打抗生素針, 藥都唔駛再食, 今日可以正式出院!』… 初初媽媽仲要求醫生寫多7日病假, 諗住抖多個星期先返playgroup, 點知醫生話:『唔駛架啦, 佢好返架啦, 照返學啦!』~~ 哈哈!!! 連醫生都咁講, 咁媽媽就放心晒啦~!
拮咗成個星期鹽水針都冇得浸浴, 出院第一件事當然要開缸水畀佢玩吓bubble啦~!
出院後幾天…
晢晢依然有微燒, 輕微肚潟及鼻水, 但人好精神, 胃口亦漸漸回復至正常水平, 所以爸爸媽媽都不太擔心, 相信過多幾日便會完全康復~!
不過痾咗咁多日, 真係成個瘦晒! 從今開始真係要認真戒口同補一補佢喇~! 晢晢, 你以後雪糕, 凍飲都免問
!!! (晢晢:『吓~! 唔係呀嘛!!!!???』)
』… Kevin哥哥表示遊戲能反映小朋友有冇專注/留心聽指令, 明顯地晢晢仍有好多進步空間
… (Kevin哥哥叫媽媽唔駛擔心, 今次只係第一次玩, 日後玩多幾次應該會有改善~!)
! 然後Kevin哥哥加深難度, 要求小朋友代入角色, 並以物件o既名稱代替向方名稱!(例如: 行去樹即向前行, 行去狗即向左行…),晢晢明顯地未能理解
) 
!