詩人 (3Y5M) - 10.05.11

很久之前媽媽已經想教晢晢念唐詩, 一直在坊間找教材, 但總覺得不合心水…

一拖再拖, 終被媽媽想通! 既然找不到合心水的教材, 為何不自己造一套!? (編製和做『人肉CD』), 就這樣, 便開始了一星期教一首唐詩~!

效果是不錯的, 媽媽一念個詩名, 晢晢便能背出整首唐詩~! 正當媽媽想拍低, 古靈精怪的晢晢郤念成這個爆笑版… (救命…)

晢晢, 不要再這麼搞笑了, 好麼!????

媽媽生日@迪士尼酒店 - 02.05.11 (3Y4M/6M3W)

自從做咗媽媽, 生日好似已經唔再屬於自己咁… 媽媽個心只想著『帶晢晢同陶陶去邊度玩好呢??』, 完全冇諗過畀自己任何甜頭…

起初, 媽媽有閃過一下『不如去OCEAN PART』(生日有優惠嘛), 但想著想著, 又怕5.1.黃金週人太多, 所以又打消了…

後來爸爸提議到銅鑼灣吃自助餐, 媽媽心諗:『揍住兩件邊有啖好食!? 既然咁, 倒不如去迪士尼酒店吃, 等晢晢開心吓~!』後來Lulu ee得知媽媽有此計劃又來加入了~! 結果我們兩個家庭就歡歡喜喜的享受了一天假期~!

呢日天氣好好, 雖然有點熱, 但藍天白雲, 又有點涼風, 感覺很舒服~!

我們一家四口較早到達, 所以先帶晢晢和陶陶到Hollywood Hotel的遊戲室消磨時間~~~

陶陶見到d木製玩具食物都流晒口水~!

不久, Lulu一家都到達了, 我們便一起到大草地遊玩和拍照~!

好溫馨啊~!

車迷~!

Lulu ee對晢晢真有信心, 讓他單獨抱著3個多月大的一一B於高處拍照!

(媽媽在旁嚇到心驚膽戰!)

哥哥在玩, 陶陶郤睡了...

看見晢晢像野人一樣不停地在草地上喪跑, 喪碌! 玩到成身汗, 成身草!!! 媽媽睇見很開心~! 咁先係童年嘛~!

可能因為剛剛睡醒, 陶陶反而有點抗拒被草草拮pat pat的感覺, 坐的時候皺晒眉, 格硬瞓低佢更嚇到嚎哭… 好可憐啊~!

玩了個多小時, 便到迪士尼酒店吃自助餐(tea buffet)~! 剛好這時候陶陶睡到像一樣,爸爸媽媽便可盡情的吃吃吃! 同行的一一B亦十分乖巧, 即使睡醒了, 都只會乖乖的坐在BB車上, 所以Lulu ee和一一爸都吃得很痛快呢~!

平日嚴食的晢晢呢日出奇地胃口相當好! (都好, 肯食, 否則那『入場費』就白蝕了)… 而陶陶睡醒後亦做了坐上客, 吃了不少包包~!

跟迪士尼人物拍照當然少不了, 晢晢依舊十分興奮~!

(頭一個鐘陶陶未睡醒, 所以冇佢份咯… )

剛睡醒的陶陶被媽媽捉了去拍照, 看著如巨人般的『公仔』… 有點呆…

吃飽後, 我們兩家繼續四處走走… (散散步, 消消脂~!)

這個碼頭不知何時會投入服務呢~!?

走著走著, 爸爸看看地圖得知碼頭距迪士尼正門不遠, 我們便選擇徒步前往~! 果然, 約10分鐘路程便到達, 而且是一條直路, 環境亦十分舒服~! 小插曲是, 沿途有一些噴水設施(類似迪欣湖的那種), 晢晢看見雙眼發亮般, 咋咋帝的愈步愈近, 結果… 把剛換好的乾淨衣服都弄濕了! (沒打緊, 反正原先都計劃了到迪欣湖玩水, 只是時間上安排不到, 這個算是補償吧~!)

玩到差不多6點便離開了, 全日冇小睡過的晢晢在車上坐坐下便開始釣魚, 很好笑~! 反而陶陶全程冇時停…媽媽攰到呢…

對於這天節目的安排媽媽感到很滿意, 尤其有Lulu一家作伴, 大家傾下講下, 更覺愉快~! 希望日後再有機會一起去玩啦~!

晢晢:『我哋一定會再嚟架!』

                                               

小記: 今年生日, 又是沒蛋糕的(禮物則由媽媽挑選, 然後由爸爸付款)… 情趣欠奉的爸爸亦沒有要求晢晢向媽媽作什麼表示(除了早上的一句『生日快樂』…)

雖然媽媽不介意(真心的), 但想著又覺得是否要做多一點, 讓陶晢學會尊敬父母呢??? 總覺得教導小孩花心思讓別人開心都是需要的~! 日後, 希望身邊的會主動做多一點點, 當然媽媽也會努力的! (因為媽媽都是沒甚情趣的人呢~ 嘻~!)