鑑於晢晢時不時都會扭計唔刷牙, 媽媽就特設一個『刷牙仔獎勵計劃』鼓勵晢晢認真刷牙
~! 不過呢個計劃其實好鬼『流』, 因為所謂o既『獎』, 都只係喺每次刷完牙後獎佢吸印仔一次, 就算吸到一定數量都唔會換到咩禮品
~! (唓!!!) 不過話雖如此, 純真如晢晢就好鬼受
, 晢晢真的會為咗可以得到一次吸印仔機會而自動自覺刷牙去, 有點意想不到~~ 
為咗吸引晢晢, 媽媽特意係『印仔表』上, 用有限o既美術細胞畫上晢晢個樣, 嘻~~ 都有少少似呵~!?
計劃開始咗一星期左右, 晢晢表現唔錯啊
~! 只係某晚爸爸話晢晢bu水bu真唔認真(bu到周圍都係), 所以刷完都冇得吸印仔! (不過晢晢事後解釋『我唔小心咋』, 到第二朝又好似知衰咁自動自覺認真地刷牙! 咁就算你啦~!
)
其實媽媽覺得計劃成功與否好在乎大家重唔重視個計劃, 若果只得媽媽一個人努力,但爸爸/姐姐/婆婆覺得無聊而唔跟個規則去做, 咁晢晢就一定唔會咁在意吸印仔, 更唔會認真刷牙… 所以各位為咗晢晢好, 就有賴大家合作合作啦~! 
到底小朋友講嘢信唔信好呢??? 
某日, 晢晢一臉認真的同我哋講…
晢晢:『媽咪, 今日老師畀小朋友打呀!』
媽媽:『吓! 邊個小朋友咁曳呀?』
晢晢:『好多個!』
媽媽:『吓! D小朋友圍住老師打呀!』
晢晢:『係呀!』
媽媽:『咁老師點做呀?』
晢晢:『佢打返d小朋友lor!』
媽媽: 
之後晢晢耍咗套功夫, 又出拳又起腳, 仲配埋音『渣渣渣渣渣』, 然後就話…
晢晢:『老師就係咁打返d小朋友喇! 超勁!』
唉… 愈來愈覺得晢晢似蠟筆小新… 
新年就到, 晢晢學校近來都以新年作主題, 讓小朋友認識『新年』~! 有時同晢晢喺街上見到揮春, 風車, 花燈, 晢晢都會大叫『新年嚟啦!』或『恭喜恭喜』, 相信都係學校教架喇~!
早幾日學校有份『親子賀年花燈製作』功課~! 本來呢類美術項目已交咗畀創意爆棚o既爸爸負責, 爸爸仲拍晒心口話:『哦~ 好易啫~!
』, 不過媽媽心思思又想整埋一份, 所以就四出找資料, 睇下有冇d又靚又易整o既花燈~! 哈! 竟然無意中畀媽媽搵到喎~!
材料: 利是封, 雜誌紙, 雙面膠紙, 活動眼, 金線 (本來仲有紅絲帶, 但媽媽買唔到, 改咗以金線代替~!)
話雖唔難整, 但晢晢可以幫手o既地方就只有入雜誌紙, 封口, 剪及搣雙面膠紙, 其他就由媽媽負責咯~! 幸好晢晢尚算專心的坐定定睇住媽媽整, 不至於悶到走來走去
~~! (咁爸爸負責咩呢? … 咪負責看實晢晢同陶陶囉~!)
整好啦! 媽媽覺得好靚啊!
對眼細咗少少… 嘻~ 冇計啦. 書局得呢個size賣咋~!
小記1: 拍照後, 因為媽媽趕住照顧陶陶, 所以將d剩餘物資隨意放喺梳化就算, 但晢晢好乖咁收好, 然後拎畀媽咪:『媽咪, 唔該收好佢啦! 危險呀!』(因為有較剪)… ummm…乖仔~!
小記2: 完成製作後, 媽媽同晢晢講呢個係賀年花燈~! 到第二朝, 媽媽再問晢晢呢個係咩嚟!? 晢晢話『呢個係賀年魚』… 我暈啦…!
! 
