媽媽大鑊啦!!! 晢晢撞到個頭爆江呀!!! 嗚…嗚…嗚…
今日因為婆婆佢哋又去咗大陸玩, 新工人又未到, 我就要獨力帶亞仔返公司, 終於出咗事喇..
帶佢去canteen 時佢唔小心撞咗落枱角度, 個頭即時流血, 當時個心都驚驚哋, 但好在唔算流太多血, 晢晢又唔係喊得好勁我個心先定d…
我即時抱晢晢返上office, 開咗個急救箱搵綿花+黃藥水同佢止血+洗傷口, 不過佢傷口仍然不斷少少少少咁滲血, 都冇法, 我見佢已經冇喊, 應該冇大礙, 我就抱返佢落canteen食早餐(order咗冇理由唔食埋佢架~!)
之後晢晢個頭都係一直滲血, 因為佢郁動大, 咁我唯有隔一陣就同佢印一印, 直到佢攰到訓著咗就同佢貼膠布(實痴甩d頭髮, 不過冇計)
我打畀爸爸話佢知晢晢撞到個頭佢d聲氣勁衰~! (明o既, 佢緊個仔啫~!), 到放工時約咗爸爸喺葵芳會合, 一見到晢晢時就一手搶咗亞仔檢查, 不過晢晢除咗多咗塊膠布, 個人都好精靈~! 爸爸都冇咁擔心喇~!
晢晢, 你整咁大鑊嘢媽媽歎, 下次唔帶你返工喇!! 
近來有位0712媽媽朋友喺FACEBOOK post咗一段佢囡囡疊積木o既片段, 就激起咗我哋一班BK買積木熱~! 片中的小妹妹表現相當出色, 小手可以好定咁疊起5-6塊積木~! 勁! 
媽媽睇見人哋囡囡咁叻! 當然好想快D買D合適o既積木畀晢晢好好訓練一下啦~! (其實之前晢晢係可以自行疊到3塊層層疊, 不過長方型, 唔合規格wor~~~
)
傾傾下, 其中一位媽媽就search到淘寶$15份, 我就order咗兩份, 但我實在好心急, 所以放工去咗千色店再搵, 本來諗住貴一貴都買, 但我見到唯一果份同淘寶質素差不多但要成80幾蚊, 我就冇買走人! 但我都係唔甘心, 返到大西北都成8點幾, 知道d玩具店就閂門就急急腳行完一個商場又行另一個商場搵, 可惜撲完一輪都係冇, 咁冇計啦, 唯有等貨到…
今晚晢晢畀咗好大驚喜我呀!!!!
返到屋企, 到咗食奶時間,我就如常數完10聲先畀支奶晢晢, 突然發現原來晢晢已經識數1-10! 當然唔係全部晢晢數晒啦~! 而係我數1, 佢就數2, 之後我3,4, 晢晢5我6, 晢晢7,8, 我9,10, 最清楚係2,5,8! 我試咗幾次都冇甩碌, 我仲即刻叫爸爸睇, 爸爸都好surprise呀!!!
晢晢你真係好叻呀!!!! 難道14個月人仔就有數學概念~!? 勁呀!!!
一早9:30am去到學校, 等到10點幾先開始個簡介, 到10:55am就入課室玩, 話有老師會從旁觀察wor, 但直到11點幾先有人到, 玩到晢晢攰晒冇晒心機先同校長面見, 叫佢坐定定又唔肯, 校長問佢: 爸爸呢? 又唔應... 掛住玩車車, 咁校長就叫佢按個咇咇同埋自己上落車車, 幸好佢都做到…
見完校長佢就叫我哋留喺課室等消息, 隔咗一陣就有位老師話收我哋晢晢, 我交咗留位費$5xx…
講下學費先:
N1 – $2400(將會加到$2640 per month) 包雜費
K1~K3 – 雙語班$ 2000 per month, 雓費$4800一學期, 另加e-learning, 大概around $2000 per month (已扣學卷)
諗落我對呢間學校感覺麻麻 – 燈光暗, 設施舊, 校長老師冇乜親切感
… 相比起天樂, 我入到去感覺好開心, 老師, 書記甚至清潔亞姐都好nice, 又感到佢哋都好錫小朋友… 不過天樂近年冇人入李宗德同埋冇雙語… 但呢d係咪真係咁重要呢!? 尤其N1…
媽媽好苦惱呀!! 晢晢不如你話事啦~!
冇見班同學仔三個多月, 終於可以再次聚首一堂啦~~ (係十堂至真~! )
因為啱啱先過完新年, 各位靚女同學紛紛相約穿靚靚唐裝出席~!
而晢晢呢~~ 雖然冇唐裝, 但都唔執輸著咗件老西襯返班靚女~~ 
到正式上堂喇~! 同上一期差不多, 先唱上堂歌 + 個小搖鈴,
不過呢期要求高咗, BB要坐定定喺凳仔上, 而唔再坐地下~! 
之後梁EE再唱另一首歌仔, 要邊做動作邊唱(大人唱)...
"摸摸頭, 摸摸耳, 一直摸到小腳指~~~"
藉以教曉BB認識身體外, 仲鍛鍊BB蹲呢個動作~~~
晢晢要跟梁EE時先肯做...
跟住有障礙賽玩, 晢晢表現唔錯啊~! 
好期待下一堂o既來臨~! 
尋日一直好擔心晢晢今日o既表現, 因為面試時間係11am, 正正係晢晢最扭眼瞓o既時間, 不過唯祈禱求主保守~!
今朝特登提早餵晢晢食奶, 諗住早D暗佢返瞓, 點知都係要臨出門口30分鐘先瞓到, 到學校門口就醒咗(瞓得15分鍾咋~!); 開頭都好擔心佢唔夠訓而扭計, 點知佢對間學校好感興趣, 周圍行, 老公都好鍾意間學校, 覺得好企理又大, 老師又好nice…
In既過程都好輕鬆, 老師問晢晢(指我同爸爸): 佢係邊個嚟架? 晢晢當然唔識答(14個月大咋), 不過一路都面露笑容都算係咁~! 之後到問我哋問題, 大致上問d生活上… 我哋工作時間呀? 日頭邊個揍? 仲有鍾意食乜… 之類o既問題~! 一路晢晢都好乖咁坐喺度…. 到臨走晢晢好乖咁say bye bye同fly kiss, 老師話佢好得意~! 仲送咗個用毛巾整o既蛋糕畀佢~! 而家等埋21號in埋激活再決定讀邊間~!
聽得懂的指令/動作:
kick the ball, 掟ball ball同sit on the ball
jump & turn around
arms up & down
touch your toes
sit on the chair
問baby 呢? 晢晢會拍心口
識指belly button (不過有衫遮住時會指高咗)
能不用動作示範也能跟從複雜的指令, eg: 遠距離指住個波叫佢執個波波放入車車度(遠處的), 都能準確做到! 又可以只叫佢:上泥啦(床上)”, “落地啦(床下)”, 都聽得懂!
語言:
指住花花同燈叫”靚靚”
行到門口主動say bye bye同飛吻
會叫mummum取食物
會點頭並say “yes”
能清楚區分並講出爸爸媽媽
Can say red, blue, cat
大肌肉:
得快咗好多
會自行爬高
學習:
能認出生字”apple”, “dog”, “jacks”
能耐心等待我們數完10聲才伸手要我們手上的東西~! 即使是他心愛的餅餅和奶奶~!
其他:
食得多咗好多 
會趁yoyo不在意時靜靜雞拎走yoyo玩緊既玩具 
開始識lur地發脾4! 
已出晒上下門牙, 正在出上小門牙
今日我做咗件人人都話我好傻o既事, 就喺特登請假去睇學校, 仲一次過去咗3間, 小插曲係本來想同晢晢拎埋passport, 但到咗西鉄站先知帶漏咗最重要o既嘢 ---- 就係忘記咗帶晢晢… 問你c未!? 唯有返轉頭…
今日真係好攰, 見天恩時個校長好後生, 又畀到好多資料我, 不過佢係全日制, 校舍又細, 都係唔係好捨得/忍心要晢晢咁細個就返全日… 都係算啦~!
資料: 呢間係全日學校, 學費n1$26xx, k1$16xx, 全校100人, 每級一班, N1暫時13人, K1開始around35人, 分小組上堂, 每日有中英文堂, 西人每星期二半個鐘, 英文有兩套教科書. 上體能全校一齊上!
到天樂, 呢間係一個書記帶我行及講解(佢開頭唔係好信我係媽媽, 哈哈~!), 佢都介紹得幾清楚… 呢間個環境唔錯, 又有半日, 但冇宗教, 又冇乜人入李宗德… 但勝在夠近, 有半日, 學費 N1 $17xx, K1 $9XX
英藝, 副校帶我行咗一轉及簡單介紹間學校, 簡單到都唔記得d重點!? 學費$28xx雙語班… $30張表格(我買咗@__@), 20人升李宗德, 其餘天天...
天恩同天樂我已經順手交埋form, 連埋之前已報咗名o既激活, 一共報咗3間, 而家就要等通知interview 啦!!
