呢個『DIY雨聲筒』, 晢晢堅稱係婷姐姐造, 佢一啲都冇幫過手喎...
上課情況:
一開始係同小朋友造『雨聲筒』~! 造法係用雪條棍連起3個厠厠筒, 然後入『豆豆』, 最後貼上膠紙就完成~!
Stephanie姐姐(即婷姐姐)話接近9成係由晢晢自己親手造(咦~ 口供唔夾喎~!
), 而且handle得唔錯~! 例如用一條雪條棍由一個洞穿過另一個洞時, Stephanie姐姐話好多小朋友會用盲力, 或有些小朋友會唔夠力, 但晢晢就能細心對準洞口穿上雪條棍
~!
到入瓜子時(晢晢負責入西瓜子, 其他小朋友分別負責黃豆, 萬字夾及米), Stephanie姐姐話負責入『米』的同學, 會好心急一手拿起一大堆米然後放入細小的筒口(最後當然跌到一地都係~!
), 但晢晢就相反地會細心地逐粒放入, 不過就太慢了~! 所以Stephanie姐姐提佢可以一次放幾粒, 晢晢就傻間間跟住做~! (小記: 原來晢晢唔知咩係瓜子, 教咗佢幾次佢話呢d係豆豆~!
)
到最後一個step ~~ 貼膠紙! Stephanie姐姐話晢晢係做得比較有concept, 會識得用咩方法令張手工紙黐得最穩(ie: 圍住個筒黐上膠紙!), 表現不錯~!
之後, 媽媽當然問返『點解晢晢堅稱個筒係婷姐姐造, 佢冇幫過手o既?』, Stephanie姐姐先肯定地同媽媽講『個筒確實係由晢晢造』, 而且『大部份都係由晢晢親自完成』, 晢晢有呢個感覺, 或許因為在最後一個step時, Stephanie姐姐有幫手扶住個筒畀佢黐膠紙... (Anyway, 媽媽都信Stephanie姐姐o既, 成堂流流長, 唔畀d手作仔小朋友做下都幾難過~~~
)
完成『雨聲筒』後, 就進行聆聽練習, 剛才提到各小朋友筒入面o既物料都唔一樣(包括: 瓜子, 黃豆, 萬字夾及米), 發出o既聲音都會唔一樣, 而晢晢只能準確分辨『米』及『萬字夾』~! Stephanie姐姐話由於『黃豆』及『瓜子』發出o既聲音實在太似, 對於呢個年紀分唔到一d都唔出奇喎~~~
到課堂下半部份 ~~ 音樂堂! 就係用雨聲筒配合歌曲進行活動
! 開始時晢晢會當個雨聲筒係shaker咁shake, 但正確用法應該係倒轉個筒後讓入面d豆豆慢慢流下(所以每個厠紙筒都間有雪條棍, 作用就係減慢豆豆流動), 之後Stephanie姐姐當然有更正晢晢~!
遊戲係以一人一句o既方式, 邊唱歌邊操作個雨聲筒, 晢晢對於同時間manage兩件事表現算不錯, 但就有點忘我, 時時唱到下一句都唔願停手, 要提醒先知要讓下一位同學操作雨聲筒~!
此外, 由於今堂有位比較活躍o既同學仔, 所以晢晢於尾聲時都跟著同學仔亂跑, 情況有點混亂~!
放學後爸爸又帶咗晢晢去玩波波池...
坐車車...
仲有食大餐~!
唔怪之得晢晢咁鍾意黐住爸爸啦~!
