其實兩個月前都整過一次, 不過果次D相同片唔知點解睇到upload唔到, 所以就冇得作紀錄…
呢日媽媽放工見架車未到就走去行超市, 無意中見到有啫喱粉賣, 就拿拿聲買盒同晢晢玩
~! (每晚放工返到屋企流流長, 總要安排D親子活動好好消磨時間~~
)
可能因為上次係整橙味啫喱, 而且今次個盒又係黃黃橙橙咁, 所以同晢晢講咗幾次佢都話係橙味, 但事實係芒果味嚟架~! 
晢晢『好香呀~~~』
晢晢一邊舀一邊分配邊碗係屬於爸爸, 媽媽及佢自己… 明顯地自己果碗就不停手咁加加加… 幾奸呀~!
』 到第二日, 晢晢返到屋企就問:『D啫喱雪硬咗未呀?』, 媽媽就同晢晢一齊分享~!
晢晢邊食邊話:『嘩! D啫喱好好味呀! 邊個煮架?
』
媽媽:『啫喱係唔駛煮架, 整就得架啦!』
晢晢:『咁邊個整架?』
媽媽:『咪晢晢lor
』(呢個答案你滿意啦~!)
晢晢:『嘻嘻~~~』
睇吓晢晢個樣食得幾滋味~!
漫長的暑假終於結束, 晢晢B要正式展開他的校園生活了~!
或許因為上一間學校帶來的陰影, 對於這間學校, 有點期望, 又有點忐忑… 心悝總有點壓力…
不過這間學校給媽媽的感覺尚算不錯(暫時)…
校長親自來電關心家長們對小孩開學時的憂慮…
主任誠懇地分享他們的教育理念和如何實踐…
班主任親自致電各家長提醒開學的注意事項…
書記姐姐耐心且有禮貌的服侍各家長的行政事宜…
還有, 校長於新生簡介會那編令人感動的分享…
點點滴滴, 都讓媽媽感受到學校上下一心和那份辦學熱誠…
且看晢晢B能否在這所學校好好學習, 好好享受三年的幼稚園生活…
! 入到門口, 晢晢邊冇眼淚咁喊住叫『媽咪媽咪』邊除鞋準備入課室~! D戲十分之屎~! 上課情況:
大肌肉活動 --- 小朋友趴於地上, 背上放有豆袋, Surmen姐姐抬起佢哋雙腳, 然後要用雙手支撐身體並向前進~! 晢晢表現輕鬆, 雙手好夠力
, 背上的豆袋未跌過, 即使轉彎都冇問題~! 另外方向感及拍子感都不錯
~! (小朋友要數住1, 2, 1, 2前進~!)
之後Surmen姐姐將繩繫於一重物上, 小朋友要數住1, 2, 1, 2 及左右手交替扯件重物埋身~! 晢晢可以自行數1, 2, 1, 2而且左右手交替沒有出現混亂~! 表現算是不錯
~!
之後Surmen姐姐將繩繫於呼拉圈上, 並要求小朋友將呼拉圈向後『fing』, 全班小朋友都掌握得好好, 有爆炸力!
到課堂下半部份 --- 主要係語言指令遊戲~! 其中一個係叫小朋友做counting, 晢晢能準確數到6~! 然後Surmen姐姐再給指令小朋友, 例如: 將綠色放喺藍色上, 晢晢都能一一掌握~!
之後到記憶遊戲, Surmen姐姐先疊起2粒lego, 給小朋友望幾秒後就收起背後, 然後就要小朋友按顏色的排序再砌一次出嚟~! 晢晢做得不錯
~! 之後Surmen增加其刺激性, 若小朋大能準確砌好就可以羸多一粒lego, 晢晢表現相當積極投入, 為羸多一粒而表現得更加好~! 到每次要記4粒時, 晢晢間中會錯, 但當畀佢再睇多次後晢晢都可以好快咁更正佢排錯o既顏色(而唔係成個拆晒~!), 總括而言表現算是不錯~!
課堂秩序方面:
算是大有進步~! 呢堂有同學引誘晢晢:『不如一齊跑咯~!』, 晢晢定力十足, 不為所動~!
小記: 當晚返到屋企, 晢晢少有地提起PLAYGROUP的事…
『今日XX返PLAYGROUP果陣瀨尿呀! 整濕晒呀~!』
『今日YY好曳呀~! 周圍走唔坐定定呀!』
哈哈~ 返嚟打小報告, 好搞笑~! 
某星期六, 爸爸無聲無色地抱晢晢到琴舖睇結他仔(夏威夷結他), 然後仲差d畀埋錢! 好在媽媽夠堅定, 叫爸爸返屋企睇吓上網買會唔會平d先再決定, 因為支結他都唔平架…
點知到咗星期一, 媽媽喺公司就無啦啦就收到爸爸從網上訂回來的結他
(真係快手都冇人有!!!), 開頭仲以為一個盒係結他, 另一個盒係結他套, 點知原來爸爸一次過買咗兩支返嚟!!! 計落仲貴過喺琴行買呀… 真係畀爸爸激死! 
幸好晢晢似乎對彈結他好感興趣, 而且尚算有板有眼! 就睇吓你學唔學得成啦! (爸爸, 唔該你買咗支結他返嚟就唔好只當佢係玩具, 認認真真教下晢晢彈啦!!!
)
晢晢, 爸爸媽媽都好喜歡玩樂器, 希望你都一樣咁喜歡啦~!
