話咁快就到最後一堂, 真係極度極度極度唔捨得... 今日媽媽o既心情都好忐忑呀~! 
今堂冇堂上, 只做評估, 晢晢表現不過不失...
挑戰1: 聽指令"擺"放通粉入杯 --- 過關冇難度~! 
挑戰2: 聽指令"擺"放數粒積木入杯 --- 同樣過關冇難度~!
挑戰3: 連續接3支棒狀積木--
喺接第3支時晢晢未能如預期般先將第二支交到其中一隻手後再接下1支,
而係放低其中1支然後再接, 所以挑戰失敗... 
呢次參加幼潛對我得著好大, 尤其媽媽真係咩都唔識,
喺呢度有導師指導同提點下, 媽媽喺教導上真係有方向咗好多!
亦都提醒咗我喺唔同階段要同晢晢鍛鍊唔同o既嘢!
每當晢晢達標時, 我同晢晢都好有滿足感同成功感!
今日晢晢畢業啦, 真係好唔捨得一班咁可愛o既同學仔, 希望我哋快d有機會再聚啦~!
點點滴滴...
沒有留言:
張貼留言