問: 死亡 (4歲3個月) 20.03.2012

或許到了4歲左右的年紀, 就會開始問到死亡的問題…

以下是晢晢經常問到的…

『媽咪, 你係咪就嚟死啦?』

『媽咪, 你係咪好快就返天家?』

『媽咪, 你幾時死呀???』

『媽咪, 你點死架?? 係唔係老就會死?? 你而家係咪好老啦??』

童言無忌, 但鼻子總是酸酸的…

媽媽實在不想騙他, 是的, 媽媽總會有一日會返天家…

作為一個基督徒, 對死亡不應有恐懼, 對永生應該有盼望… 但, 面對生離死別, 難免傷感…

面對晢晢喋喋不休有關死亡的問題, 媽媽起初都能耐心地正面地回答…

『係架, 人人都會返天家, 冇人知幾時, 可能係意外, 可能病, 但人老咗都會死…』

但當看到晢晢的反應, 雙眼通紅的: 『媽咪, 你唔好返天家住啦, 我唔想你死呀! 你死咗, 我就冇媽咪架啦!』 媽媽便唯有轉話題迴避, 或直頭黑起臉來! 叫晢晢『不要再說了』, 因媽媽都怕自己會哭起來…

晢晢最可愛的, 是他對『媽媽會離開他』這件事會嘗試找方法解決…

晢晢:『媽咪, 妹妹長大後係唔係會做媽咪?』

媽媽:『係呀!』 (長大, 結婚, 生小孩… 都是大部份人必經的嘛)

晢晢:『咁媽咪你生多一個妹妹畀我吖! 你死咗, 我就有陶陶做媽咪, 陶陶死咗, 就另一個妹妹做媽咪…』

噢!! 天呀!!! 他竟以為陶陶長大做媽咪的意思 = 有人取代媽咪!!! 所以要求媽咪多生一個做『是啤』!!!

媽媽當然要解釋:『陶陶大個係會做人哋個媽咪, 但唔會變成我呢個媽咪, 媽咪死咗後, 唔會有第二個人可以取代…』

晢晢當然又哭成淚人, 媽媽唯有再次轉話題…

不過, 對『死亡』這個話題, 晢晢曾搞出一個大笑話…

某日晢晢問:『媽咪, 如果爸爸死咗, 我哋係咪掉佢落垃圾桶?』

媽媽:『緊係唔係啦! 你點解咁諗架???』

晢晢:『嘻嘻… 我自己諗吓之嘛~~』

媽媽猜, 可能他曾見過我們把死了的龜和魚掉進垃圾桶, 他便以為所有死了的東東都是放進垃圾桶吧…

最近, 晢晢又問到一條傻問題:『媽咪, 你老咗我會照顧你, 咁我老咗, 你會唔會照顧我架??』…

傻孩子, 媽媽當然想這一生一世都照顧你們…

『養兒一百歲, 長憂九十九』…

可是, 人始終會老, 始終會離開世上…

所以, 一定要信主,

那我們便可天家重聚了!






*** 5月尾了, 還在記3月的事… 媽媽要加油(追卜)…