一條很難答的問題… 
某晚, 晢晢問了媽媽一條很多熱戀中的情侣會問的問題…
『如果我同妹妹跌咗落海, 只可以救一個, 你會救邊個???』 
還強調: 『係一齊跌落海喎, 同埋只可以救一個喎!』
媽媽對於他突如奇來的問題 覺得既搞笑又苦惱… 
媽媽很賴皮的回答: 『放心, 媽咪係唔會畀呢件事發生嘅~!』
晢晢不服: 『我話如果呀, 如果我同妹妹跌咗落海, 你會救我定妹妹!!!??』
媽媽實在被晢晢的問題難到了... 
若說先救他, 他一定很開心, 但媽媽不想給他錯覺, 媽媽不著緊妹妹…
但若答先救妹妹呢, 他一定以為媽媽愛妹妹多過他…
於是媽媽答:『咁你識游水架嘛…』
晢晢即搶著說:『我識少少架咋!!!』
媽媽:『咁都叫識少少吖, 嗱, 若果我哋坐船或者游水, 你同妹妹記得著定救生衣或者穿定水泡, 如果真係咁唔好彩你哋跌咗落海, 因為妹妹係完全唔識游水, 你無論如何都要捉實妹妹同頂住一陣, 千奇唔好分開, 媽咪一定拼盡全力救晒你哋上嚟!!!』
這次, 晢晢終於罷休, 沒再追問下去了…
真不知他從哪裡學會問這種假設性的問題…
沒有留言:
張貼留言