呢一晚, 又係得媽媽同晢晢兩個人…
臨瞓前, 媽媽講咗個耶穌復活升天o既故事, 晢晢好留心聽畢整個故事…
之後就同媽媽一齊唱詩歌, 仲一齊做埋動作…
我裡面外面上面下面時常都快樂 (指裡, 外, 上, 下, 拍拍手)
我裡面外面上面下面時常都快樂 (指裡, 外, 上, 下, 拍拍手)
主耶穌在我心 (指向天, 拍拍心口)
祂洗淨我罪污 (卒卒雙手)
我裡面外面上面下面時常都快樂 (指裡, 外, 上, 下, 拍拍手)
唱唱下, 晢晢仲識整古媽媽, 愈拍愈快, 媽媽就跟住個beat愈唱愈快~~
兩母子對望哈哈大笑
然後齊齊祈禱….
感謝天父賜我哋美好o既晚上
求天父讓晢晢睡得香甜
賜佢健康
又賜佢一夥愛主o既心
謝謝主
阿門
晢晢就張開眼話: 阿門~!, 然後舉起雙手講: 哈利路亞~!
媽媽又跟晢晢舉手講: 哈利路亞~!
兩母子再次對望哈哈大笑
媽媽真的好希望可以幫助晢晢喺靈裡面成長…
好想每晚都跟您讀聖經(如果唔扭計要青蛙王子)
好想每晚跟您一齊唱詩歌(如果唔堅持唱The ABC Song)
好想每晚跟您一齊祈禱(如果唔係祈祈下走咗去)
好想晚晚一齊哈哈大笑
晢晢, 可以嗎??
媽媽話: 我愛你
晢晢又話: 我愛你
媽媽問: 係咪真架?
晢晢答: 真架!
呢一晚, 好平淡, 但又好感動…
沒有留言:
張貼留言