第二朝一瞓醒, Yoyo同晢晢就喺酒店跑來跑去, 極度興奮! 唔通佢哋知道一陣去動物園~!? 
出發前, 我哋先去“歎”個藥饍早茶, 何解歎? 因為無論落單, 起菜都異常慢~! 的確夠晒 “寫意”~! 我哋二百蚊包咗間房, 點知6個大人再打包幾個包包都食唔夠二百蚊! 確係抵! 味道仲唔錯tim架~! 
歎完茶就出發去動物園啦! 雖然天氣真係好熱好熱, 但晢晢依然好躇躍! 
呢度地方真係好大, 有好多動物~~~ 晢晢喺字咭同電視上見呢d動物就見得多, 咁近距離都係第一次! 學埋一大堆生字終於大派用場啦~~~ 晢晢見到佢認到o既動物就會講出佢哋o既名, hippo, elephant, monkey, kangaroo, giraffe, koala, goat, panda, bird… 仲有好多動物, 不能盡錄…
第一次騎旋轉木馬, 順手影咗張全家福~! 好靚呀~! (唔知醜~!
)
行完大部份步行區o既動物, 終於到戲肉 --- 乘車遊覽區! 原先諗住晢晢近距離見到d lion, tiger會好興奮… 誰不知…
晢晢臨上車一刻就頂唔住 --- 瞓咗zzz
… 
算啦~ 晢晢玩咗成個上晝又出咗一身汗都要休息吓架啦, 就當畀媽媽靜心欣賞啦~! 
行咗成個下晝, 到4點多就搭車返酒店拎行李, 然後到附近o既日本餐廳食埋飯就搭6:45pm大巴回港lu~! 
晢晢: 媽媽, 要走嗱? 呢度好好玩呀!
媽媽: 晢晢, 你咁鍾意, 不如天氣涼d我哋再嚟過丫, 下次一定要睇埋大馬戲啊~! 
沒有留言:
張貼留言