3月1日(星期一): 呢日係weekend後第一日上學, 媽媽有點緊張。呢朝媽媽都有加入行列跟爸爸一齊送晢晢返學, 由起床到入到課室晢晢都好聽話
, 又自動自覺, 我哋就趁晢晢埋位放書包時離開, 以為大功告成, 點知一到校門外o既玻璃窗一「裝」… oh… 晢晢喊得好淒涼
, 可能一令轉頭就唔見咗爸爸媽媽, 所以感到好失落啦, 媽媽睇見都好心痛, 不過爸爸話:「佢都要學架啦!」
又係o既~~ 媽媽都要學識忍心d先得! 到放學時, 因為呢日婆婆有要事在身, 所以接放學就交由工人姐姐負責, 姐姐話晢晢放學又係喊到「鬼鍊喉」, 又係一伏低就瞓
, 媽媽12:45pm打返去都仲瞓緊, 飯都未食… 我諗晢晢一定好攰… 點算呢??? 日日都係咁, 點先幫到佢呢??? 
3月2日(星期二): 呢日由爸爸送返學, 情況十分順利
, 爸爸亦係趁爸爸唔為意下偷偷溜走。到放學時, 由工人姐姐負責, 晢晢又係一見到姐姐就喊, 不過一抱起就好快收聲, 都算係咁… 
3月3日(星期三): 經過連續咁多日放學都喊, 媽媽加強思想教育力度! 日日問住:l「晢晢, 放學駛唔駛喊呀?」晢晢:「唔駛, 要笑笑」
。呢朝早, 媽媽放假, 可以專誠送晢晢返學! 到咗校門, 老師示意晢晢向我哋揮手說再見, 不過晢晢即刻喊到好淒涼, 我哋唔想嚇怕佢, 所以立刻隨後跟上跟晢晢一齊到課室, 直到晢晢唔為意時溜走。
難得可以親自到學校, 媽媽就順道跟老師了解一下晢晢上課情況, 老師話晢晢上課投入, 尤以英文堂反應最好, 好多問題都會答。 到放學時, 媽媽親自接晢晢, 今次晢晢終於守諾言, 係笑住放學啦! 
仲叻到特登走返轉頭, 好風騷咁同老師say BYE BYE先走~
! 媽媽見佢咁乖, 獎咗佢食一粒得x素提子糖, 晢晢笑得更甜~! 
3月4日(星期四): 媽媽依然放假中, 所以都係由媽媽管接管送, 情況十分順利, 放學亦係笑住走出嚟。 另外呢日係第一冇著片返學, 晢晢好叻仔冇賴尿! 好抵錫!
3月5日(星期五): 太公出殯, 請假一天。
呢個星期整體表現算唔錯, 真感恩! 下個星期要繼續努力呀!! 
晢晢加油呀！
回覆刪除晢晢妈,我觉得要跟晢晢练习吓正式讲BYE BYE先得,偷偷溜走不是办法...平时都可以练习架.要等晢晢知道BYE BYE之后都会见得番.
回覆刪除[版主回覆03/09/2010 10:23:00]當然可以 say bye bye 就最理想 ! 但我又覺得未係時候 lor… 晢晢係果 d 有得玩就會唔記得爸爸媽媽 o 既人 , 所以當佢上堂有嘢做我哋唔喺身邊都唔係問題 , 但要佢 say bye bye 就暫時未得 ! 我唔想因為我哋大人想佢點就迫得佢太緊 , 佢真係未得 o 既又何必嚇到佢冇晒安全感又形住返學係唔開心 !? 所以寧願暫時用呢個方法先 , 等佢再習慣 d 先再試過 ! 我請教過我同事 , 佢仔仔情況有 d 似晢晢 , 佢就頭一個月都用偷走方法 , 一個月後仔仔突然主動 say bye bye 入課室 , 我期待緊呢一日 !
不過都唔係完全唔試 say bye bye ~! 今朝爸爸趁晢晢玩緊玩具時同佢講「爸爸走喇」 , 晢晢都冇咩感覺繼續玩 , 算係小進步 ~!