呢日係晢晢第一次上台獻唱
不過爸爸仍然喺上海工作中
所以只有媽媽和婆婆捧場啦~!
陶陶:『婆婆, 好凍呀! 入得場未呀?』
呢日天氣的確好凍
大西北只有4度
所以媽媽同晢晢及陶陶著咗好多衫以防冷親~!
學校借用咗某小學的禮堂作崇拜場地~!
好多家長都有到場支持~!
一開始係唱詩歌時間~!
(足印---係媽媽最喜歡的詩歌其中之一)
之後係信息分享時間~!
跟住就係學生獻唱時間啦! 家長們都開始緊張的為子女拍照/片!
(呢班唔係晢晢果班)
終於到晢晢果班啦! 雖然拍得不太清楚
(主要畀同學遮住咗, 都怪媽媽拍攝技術欠佳, 爸爸喺度就好喇!)
但都睇到d架~!
晢晢不停在un腳
好搞笑! 
媽媽喺台下睇住晢晢唱歌
感覺~~~ 既感動又興奮
平日好少聽到晢晢唱學校所學o既歌
不過當完咗崇拜後
晢晢就唔停口咁唱咗好多首詩歌
又會話:『聖誕係慶祝主耶穌生日...』
『耶穌呢? 點解唔見咗耶穌o既? 哦~ 佢復活升咗天啦!』
噢~ 原來晢晢喺學校吸收到不少上帝o既信息
感恩 
晢晢好開心收到老師送畀佢o既聖誕禮物, 多謝晒~!
呢日十分難忘
希望明年爸爸可以一同出席啦~!
沒有留言:
張貼留言