妹妹, 飽未呀?

妹妹仲有一個星期就滿2個月

理應可以feed on schedule

但事實能夠feed on schedule o既日子

真係5隻手指都數得晒...

點解妹妹日日可以連續食十幾個鐘都唔夠飽咁o既樣?

又可以成個大白天都唔瞓?

到底問題出喺邊?

奶量不足?

質量欠佳?

媽媽都想相信問題係出於

『信心唔夠』

但係

當堅持唔餵妹妹時

佢真係喊到咁淒涼過喎...

媽媽亦想過

會唔會妹妹唔係餓

而只係當媽媽係『人肉奶咀』?

不過當用樽補奶時

妹妹又可以一口氣食5oz

咁又點解釋???

媽媽唔係想呻辛苦

只係心痛妹妹日日都因為媽媽餵得唔好

影響到睡眠...

其實媽媽都已經睇得好開

若果真的唔夠

都會接受現實用奶樽補奶

但當然會堅持到最後一分鐘

因為唔想進入惡性循環

愈補得多   愈生產得少...

妹妹

媽媽仲有不到一個月就要返工啦

若返工前仍未能feed on schedule

會令媽媽好掛心架

我哋大家一齊努力

媽媽食多啲嘢

你就畀心機每餐落力啲食

好唔好?

加油!!!