晢晢第一次的歌唱表演 – 02.04.11

很華麗的團服啊~!

話說喺1月中時, 媽媽幫晢晢報名參加元朗合唱團(預備組), 因為據聞輪候需時(一般要等3個月), 媽媽數數手指, 能上課的時候大約是3月中至4月, 到時候晢晢的畫班剛好完結, 晢晢就可以接住上呢個興趣班, 所以媽媽千算萬算下決定於1月中交表~!

誰不知到1月尾時, 媽媽仍未收到對方確認, 就致電查詢, 可惜每次負責人都是放假中, 一直拖到農曆新年假期後, 媽媽幾次致電後終找到負責人, 對方的回應竟然是:『冇收過你張form喎!』媽媽無奈地說:『咁點算?』對方竟出乎意料之外的答:『啱啱有1個位, 你參唔參加? 時間ok的話就今個星期六嚟上堂啦~!』媽媽當然lur飯應!!! 就這樣, 晢晢就於基本上冇等過o既情況下加入咗元朗合唱團(預備組)~!  加入咗只大約兩個月, 晢晢就有幸可以參加佢哋o既演出 ~!

陽光童聲齊和唱音樂會

準備入場~!

由於晢晢那組是年紀最輕的, 所以出場不久, 台上就不停有小朋友向台下大叫:『daddy, 媽咪, daddy, 媽咪…』還有不停的揮手, 當然晢晢係其中之一, 場面有點... 哈碌... 很好笑~!

先看看晢晢『精彩』的演出~!

width="425" height="344">

為咗是次演出, 我們一家可謂由朝忙到晚! 一早9點多就要集合彩排半小時, 之後自行打發時間到3時回去準備演出, 3時45分正式開show, 到差不多5時才到晢晢那一組演出, 6時多才完… 晢晢由早上7時起床一直踩到晚上6時多, 能有如此表現, umm…算是不錯了~!

我們全家總動員到場支持呢~! (還有婆婆, 姨媽x2及朱精姨丈~!)

Yoyo表姐都是團員之一, 不過唔同班~! (是日合班演出~!)

到節目尾聲, 所有團員及導師再一次上台獻唱, 當然都有晢晢的份兒, 爸爸媽媽就像小fans般從人堆中找尋晢晢的蹤影...

哈~ 找到啦~!

晢晢仲咩扁咀啊???

看著晢晢第一次的表演, 媽媽起初還期待會看到晢晢大個仔的一面, 誰不知, 晢晢差不多全程雲遊太虛... 哈哈… 不緊要, 說到底都是一個十分美好的童年回憶~!

小記: 因為差不多每次都是由爸爸負責帶晢晢上堂, 所以媽媽對上課的情況其實都不是太了解的~! 但據爸爸描述, 上課內容都頗豐富, 導師很有經驗, 每位小朋友都很投入去跟著手號及指示去唱, 課後亦會有些功課(暫時未開始), 總括而言, 爸爸是讚不絶口的~! (咁就好咯~!)