中英新丁 SUPER SHOW (3Y8M) – 28.08.11

暑假時媽媽為晢晢報咗中英劇團嘅小演員訓練班, 每星期兩堂, 本來媽媽好想(起碼)抽一日去睇睇晢晢上課情況(平時是由Ciki姐姐, 婆婆或爸爸管接送的), 但拖下拖下, 到咗最後一課媽媽仍然安排唔到(很可惜…)! 幸好劇團於8月28日舉辦咗一場『新丁SHOW』比佢哋獻獻技, 媽媽方有機會睇晢晢演出~!

臨出門口時, 媽媽為確定採排時間就打開晢晢本手冊睇睇, 誰不知一打開先見到導師對晢晢的評語…  喔~~~ 評價很正面啊~~~ 

之後再望下本手冊, 哎呀! 原來晢晢有句對白『我哋今日表演食辣!』 媽媽完全唔知添!!! 唯有一路搭車, 一路同晢晢練習練習...

到正式演出, 因為劇團唔畀拍攝, 只能偷偷地影, 所以最精彩的部份都未能拍到…

出場了~!

總括來說, 晢晢演出算是不錯, 很投入, 跟平日的他一樣詼諧, 在場的觀眾都被他生鬼的表現逗得發笑, 尤以扮老人家一幕, 真的很神似, 仲入晒戲識得話畀觀眾知『我80歲喇..』, 還咳了兩聲, 很搞笑~!

做主持時, 雖然要導師提對白, 但聲線搭救, 不過不失~!

而扮食辣時亦很神似, 伸晒脷, 還會扮飲檸檬茶止辣~!

參加這些話劇班, 雖然完成課程後說不上有什麼成就, 但郤鍛鍊出自信心, 亦學會了肢體語言和說話技巧, 這些在日後待人接物上相信都會有幫助的~!

臨走時, 媽媽安排晢晢跟導師(虾條姐姐)合照留念, 其間對方向媽媽說:『晢晢很乖巧, 亦很投入參與每項活動及角色扮演… 一般較活潑的小朋友都會偏向較曳, 但晢晢郤是十分聽話, 很難得... 我哋都好鐘意佢~~ 』…. 媽媽聽見實在很欣慰~~  (多謝你, 虾條姐姐, 晢晢都好鐘恴你架~!  )