繼早前到PLAY HOUSE玩過後, 爸爸媽媽便想起其實大伯家的會所比PLAY HOUSE更大更好玩! 於是於週日就相約大伯和嫲嫲一起前往~! 
老遠從大西北走到將軍澳, 車程一個鐘以上… 辛苦? 其實都習慣了
, 加上在車上陶陶和晢晢都睡得樣豬一樣
, 所以都不是大問題~! 到步後和大伯及嫲嫲飲茶後, 便向會所出發~!
這個會所簡直是兒童天堂~~~ 很大很美!!!! 室內的遊樂的設施分了兩邊,一邊較適合3歲以上, 另一邊則較適合四腳爬爬的BB~~~ 啱晒陶&晢!
陶陶會扶著手推車仔走幾步
(當然仍需協助~!)
晢晢最愛仍然是車仔~!
後來陶陶就坐著這架車仔上表現倒後行~!
嫲嫲踎低照顧陶陶踎到腳都痺, 於是隨手拎架車仔放下陶陶回一回氣~~ 陶陶傻更更的, 不知道自己正在被遺棄… 
後來嫲嫲又找來另一架車仔畀陶陶坐, 晢晢睇見有手柄於是拉著陶陶走來走去…
玩了差不多一小時, 『大場』(3歲以上)要清潔, 於是就轉戰『BB場』, 嫲嫲差不多將陶陶放到每一架車仔上試玩, 陶陶開心到伸晒脷~~ 哈哈!!!
只是到會所玩玩便消磨大半日, 離開時放晒電的陶陶攰得上半身掛在BB車上睡著了, 而晢晢呢~~~ 用了最後一口氣吃掉一碗飯後就當場暈倒, 真好~~~
如此好玩的會所~~ 如果我哋住喺呢度就好咯~~
沒有留言:
張貼留言