這天是中秋節翌日假期, 一早起床就聽到晢晢氣速速
, 唉… 一定是前一晚賞月時冷親
(引致氣管炎), 唯有帶他看醫生...
醫生一聽完個肺就話:『嘩! 好喘! 做過咩嚟???
』(哎呀, 醫生, 媽媽點知賞月都會喘嘅啫!!)
食過藥, 見晢晢不算特別攰(只係冇乜心機), 不想浪費大好假期, 於是就近近地到濕滯公園走走~~
到了濕地公園的室內遊樂場, 晢晢表現跟過往很不同
, 以往必定由頭跑到尾, 但這天總是跑兩步就停下, 然後慢慢的行… 看得出他很不舒服, 而且更不舒服到連表達的力也沒有(行近他會聽到他的呼吸有『嘻嘻』聲…), 狀甚可憐…
玩了兩轉室內公園, 便到內園參觀...
之後又遊遊外園~~ 這天天氣好好, 和暖又帶點微風, 陶陶睡到很林, 睡到連奶也不用吃~! 
晢晢在看什麼??? 
原來是福壽螺~!
其實晢晢一路行都是悶悶不樂的, 而且未行到一半, 已要求爸爸抱, 媽媽見他的呼吸仍然不順, 於是便決定離開…
面帶笑容, 但其實仍氣喘中...
到晚上, 晢晢因呼吸困難而不能入睡, 爸爸媽媽便再一次帶他到診所『聞氣』(當時已差不多11點), 晢晢呼吸才順暢過來
, 還爆了一句:『我冇晒事啦, 我咳返條氣出嚟啦!
』(仔, 你條氣唔係咳出嚟架… 不過算啦, 條氣順返就好喇~!
)
雖然晢晢病得突然, 但幸好多吃兩天藥後已經好轉很多~! 當然媽媽都有給『維他命C + 猴棗散 + 蜂膠 + 川貝』四寶補補身~! 開始轉天氣, 要注意衣著和飲食了
~~~
沒有留言:
張貼留言