踏入4歲的第一個『大個仔行動』就是 --- 掉奶樽!
晢晢每晚臨睡前也要吃奶, 4歲前, 媽媽很給他自由, 他想用杯就給他杯, 想用奶樽就給他奶樽…
沒有刻意的要他戒奶樽, 只強調:『3歲都仲可以, 到4歲就唔可以再用奶樽!』
媽媽沒有太大期望, 只是想給他一點意識, 若他想再用奶樽, 就提提他:『你咪應承咗嘅~
』
誰不知在踏入4歲生日的第二天, 晢晢突然主動提出…
『媽咪, 不如我掉晒d奶樽咯!』
媽媽一句『好呀』, 晢晢便毫不留情的把所有奶樽掉進垃圾桶! 
起初媽媽還以為晢晢會捨不得掉, 但似乎媽媽想錯了…
晢晢的行動正是告訴媽媽, 他期待這一刻很久了!! 
自那天起, 晢晢只提出過一次想用奶樽, 但答他:『d奶樽咪畀你掉晒囉!』他便沒有再提過『奶樽』二字…
大個仔, 真的大個仔了!
唉~~本來我都話一一係四歲果陣要掉奶樽....每次同佢提果陣, 婆婆又係後面加把口, 話用少陣都唔得丫....點點點.....其實佢係太子已經無再飲奶, 相信都有半年, 但係一返到婆婆到奶癮又起....當然到依家仲用奶樽啦!!!都唔知點幫佢戒!!!
回覆刪除[版主回覆02/02/2012 23:47:24]先恭喜你有了小B, 真係好替你開心呀!! 我睇見你張相, 個樣真係超幸福呀!!
想戒奶樽, 嘿嘿~~ 第一步就係先氹一一掉奶粉樽~! 係就要快喇, 唔係到小B出世, 佢情緒起伏得緊要時先要佢戒就麻煩D喇...
多謝!!我希望小b好似陶陶咁健康可愛又乖巧就好了!! 面對兩個小b既巨變, 我可能有好多野要向你請教!! 你呢個先係幸福的家....一齊為建立一個幸福的家而努力!
回覆刪除我想掉奶樽好耐, 但係婆婆心軟, 佢同公公都認為一一一定要飲奶先可以安心地瞓, 我話奶可以飲, 不過用杯囉! 唔好再用奶樽! 此終照顧者係佢地兩個, 攪到佢地兩個又係煩! 依家諗住等小b出世, 以"哥哥"為理由要佢自行掉左佢咋! 我都擔心一一既情緒會起伏得好緊要! 小b未出世, 佢已經變得好嗲! 我地見步行步咋!!
[版主回覆02/08/2012 01:32:49]咦? 小B係囡囡嗎？
請教唔敢當，但有嘢想問即管問，希望幫到你!
戒奶樽嘅事，聽你講一一都唔算好倚賴，加上小B就快出世，一一情緒難免會有起伏，不如順其自然吧，唔好刻意要一一戒住， 等到小B出咗世，可能一一自覺大個仔， 會自動自覺唔用呢!