塞咗幾個鐘頭車, 到步第一件當然係醫肚~
! 不過點肚餓都要搞掂晢晢先~! 婆婆好好心咁一早煲定d粥仔, 不過晢晢一如以往 --- 唔食! 婆婆唯有出絶招 … 媽媽唔想因為晢晢令大家遲咗食飯, 所以都由得婆婆… 
絶招就係<廁所餵飯>… 玩住水果然啖啖食, 但始終唔啱規矩嘛… 只此一次, 下不為例!! 
晢晢食咗小半碗就點都唔肯再食, 婆婆唯有收手, 爸爸同晢晢沖個涼後就齊齊去 “’食街” 醫肚~! 呢餐晢晢都有份食架, 分別係乳鴿頭一個 + 飲剩少少o既椰青一隻~! 
晢晢: 爽呀~! 
之後o既行程因為塞車關係打到亂晒, 原先打算day 1去動物園, 但由於時間唔夠而改為day 2, day 1 o既節目安排顯得有d “hea”~~~
節目一: 波波池
是項節目只係臨時加上, 原先準備去酒店泳池玩水, 但去到先知仲有成個鐘先開門, 我哋就去對面兒童樂園打發時間, 第一次去波波池o既晢晢有d膽怯, 又有d興奮~!
節目二: 水上樂園
玩咗成粒鐘波波池就帶Yoyo同晢晢到對面o既水上樂園玩水~! 雖然只係酒店設施, 規模當然唔及大型水上樂園, 但其實都已經算唔錯~! 有多條不同類型滑水梯, 水深剛剛及晢晢心口, 好適合小朋友玩~! 
不過玩水其間出咗個小意外, 就係晢晢玩滑水梯時一個關抖成個人插水式中咗入水, 足足沉咗喺水5秒以上媽媽先秤得返晢晢上水, 嚇到媽媽同四周o既家長們鼻哥load都冇肉~
! 不過上水後o既晢晢只係有少少呆! 連隔離位太太都話: “咁都唔喊, 好嘢!” … 呢次的確係媽媽疏忽, 企喺唔正確位置令晢晢插水時未能及時制止~! 爸爸都責怪咗一兩句
… 係啦, 下次醒水lor (啋啋啋! 仲有下次!?
)
節目三: 鍊骨
呢項好似係返大陸不可缺少o既節目, 我哋6個大人趁兩隻小魔怪瞓咗就齊齊鍊骨去也~! 
喺香港做過一排正宗推拿針灸o既媽媽一向覺得大陸d按摩唔多掂, 不過見大家咁高興就少少哋揀咗兩粒鐘o既“so call” 整脊 + 挖沙 + 拔罐玩下咁啦~! 
正當媽媽開始按摩時晢晢就突然扎醒咗, 仲嘈醒埋Yoyo!!! 好在按摩姐姐推晢晢到媽媽身邊後冇再扭計, 只係一直眼光光望住媽媽按摩望足兩粒鐘~! 朱珍姨媽就冇咁好彩, Yoyo不停扭計大喊
, 激到朱珍姨媽
! 差D想掟Yoyo出門口! 婆婆見狀唯有犧牲自己按摩時間, 出手氹Yoyo入睡, 好在10分鐘後成功搞掂Yoyo, 婆婆繼續massage~!
做完拔罐, 媽媽背脊多咗18個又痛又黑o既圓形, 晢晢見到不停指住講 “circle circle”, 仲想嗱起媽媽件衫嚟笑
! 但媽媽就覺得呢d簡直就係呢年多揍仔辛勞o既印記! (衰豬! 仲笑!? 都係因為你咋!
)
鍊完骨我哋齊齊返房休息, 期待第二日行程 – 長隆野生動物園 
沒有留言:
張貼留言