2011情人節

媽媽第一眼見到呢份大禮時第一個反應係『大鑊』!

媽媽一向都唔多重視什麼什麼節日, 所以一向都覺得呢d什麼什麼情人節唔多關自己事, 自己唔會準備禮物, 更唔會期望有禮物收…

情人節前幾天跟爸爸睇新聞時剛報導有關鮮花銷售情況, 媽媽更千叮萬囑爸爸『千奇唔好買!』!!! 情人節當日跟同事食lunch時先提起呢段跟爸爸o既對話, 誰不知食完飯返到office就見到有座『豬型雪山』坐喺媽媽張辦公桌上, 實在非常『震撼』!!!

媽媽致電爸爸:『嘩! 送都唔駛送咁大隻吖!』

爸爸:『吓! 好大隻o既咩!?』 (如夢初醒)

媽媽:『高過晢晢囉, 咁算唔算大隻吖!?』

爸爸:『吓! 乜原來咁大隻架! 但係好得意吖嘛…』

媽媽: … (無言)

爸爸:『你今晚要帶返嚟喎!』

媽媽:『吓!? 咪啦! 咁大隻我點拎呀!?』

結果, 呢隻巨型豬仔就繼續坐喺媽媽旁邊, 陪住媽媽工作… 同事經過, 都會同佢打聲招呼… 或許要搵日call架的士先拎到返屋企喇…

雖然禮物有點(過)大, 而且媽媽都有點肉赤, 但心裡都係開心o既~! (D風信子仲好香架~!)

而家每每望到呢隻巨型豬媽媽都會忍唔住笑出嚟~~

其實一次半次咁都唔錯吖, 起碼媽媽一定會記得2011年的情人節~! Heehee~!

爸爸, 多謝您~! (不過下次真係唔好咁『重』手喇~!)