時時都想記下晢晢和陶陶兩兄妹間相處的點點滴滴, 但要下筆時, 又不知從何說起…
近來晢晢有句話很有趣的…
晢晢:『媽咪, 好彩有哥哥咋~!』
媽媽:『邊個哥哥?』
晢晢自豪地答: 『咪我囉~! 好彩有我呢個哥哥, 媽咪先唔駛咁辛苦, 妹妹又有哥哥鍚~~』
說的也是…
晢晢最可愛的方, 是他真的很懂事, 很純, 很善良, 從不會做壞事…
對妹妹, 雖未至於很無微不至, 但尚算愛護有加...
有時, 妹妹哭鬧, 他不會嫌她煩, 只會一心想辦法氹她開心, 『哥哥畀你騎膊馬好唔好呀?
』, 『哥哥請你食嘢好唔好? 維他命C啱唔啱?』, 『哥哥同你玩捉E欣好唔好?』… 雖然妹妹未必領情, 但哥哥不會輕易放棄, 只會不斷想辦法但求令妹妹開心~!
有時, 妹妹搶他的東西, 媽媽會要求哥哥先就一就妹妹, 就算他多不願也好, 他都會接受, 因為他知道, 讓妹妹是他的責任, 他也明白, 他堅持, 只會令媽媽辛苦…
記得有一次, 我們一家四口去逛街, 經過售賣嬰兒BB車部門, 陶陶二話不說爬上了一架BB車上坐著, 任爸媽怎樣叫她, 她都不願離開, 媽媽便說笑: 『唉, 算啦, 陶陶唔肯走, 咁我哋走啦
』, 然後我們便假裝留下陶陶, 叫晢晢離開… 誰不知晢晢竟哀求:『唔好呀!!』, 媽媽又不在乎的說:『唉, 佢唔肯走都冇計架』…
那一刻晢晢急得就快哭了, 然後衝向陶陶, 想盡辦法氹她離開:『陶陶, 快D出嚟啦! 我哋去買玩具? 去扭蛋? 嗱嗱嗱… 買嘢食!! 買嘢食喎… 仲唔快D出嚟!!!
』 見陶陶全部SAY NO, 心更加急, 直頭想夾硬把陶陶扯出來! 很好笑~~ 
而陶陶呢, 雖然常常欺負哥哥, 但心底裡還是很愛哥哥的…
早上起床, 通常都會問:『哥哥呢? 喺邊呀?』找到了, 就會大笑:『哈哈哈哈… 哥哥喺度呀!!!』
看到哥哥哭, 她會主動說:『哥哥喊呀!』 然後為哥哥遞上紙巾, 又會走到他身邊, 拍拍他的心口或肩膀安慰一番~! (雖然有時候根本是陶陶弄哭哥哥的
…)
看到他們擁作一團, 媽媽的心實在甜得不得了…
兩兄妹, 雖然間中都有吵架, 但感情郤是一天一天的累積…
哥哥會記掛妹妹, 妹妹又會想依著哥哥…
每天放工回到家, 看到兩隻小鬼在家穿梭, 玩hide & seek, 玩『變魔術』… 嘻嘻哈哈的, 就算多累, 看到他們相親相愛就能再次抖擻精神…
多生一個, 就是希望如此…
~~ LOVE ~~
SWEET
回覆刪除