天樂面試日

尋日一直好擔心晢晢今日o既表現, 因為面試時間係11am, 正正係晢晢最扭眼瞓o既時間, 不過唯祈禱求主保守~!

 

今朝特登提早餵晢晢食奶, 諗住早D暗佢返瞓, 點知都係要臨出門口30分鐘先瞓到, 到學校門口就醒咗(瞓得15分鍾咋~!); 開頭都好擔心佢唔夠訓而扭計, 點知佢對間學校好感興趣, 周圍行, 老公都好鍾意間學校, 覺得好企理又大, 老師又好nice…

 

In既過程都好輕鬆, 老師問晢晢(指我同爸爸): 佢係邊個嚟架? 晢晢當然唔識答(14個月大咋), 不過一路都面露笑容都算係咁~! 之後到問我哋問題, 大致上問d生活上… 我哋工作時間呀? 日頭邊個揍? 仲有鍾意食乜… 之類o既問題~! 一路晢晢都好乖咁坐喺度…. 到臨走晢晢好乖咁say bye bye同fly kiss, 老師話佢好得意~!  仲送咗個用毛巾整o既蛋糕畀佢~! 而家等埋21號in埋激活再決定讀邊間~!