想帶晢晢衝出香港好耐架喇~! 晢晢14個月時趕頭趕命同佢申請passport, 點知日本, 台灣, 馬交… 都搞唔成
, 一拖再拖, 到上星期終於成事啦
~! 晢晢o既第一次就係兩日一夜o既 “祈福長隆之旅”, 雖然只係返大陸, 但只要係開心, 去邊都冇所謂啦~! 而且難得婆婆姨媽們又夾到時間呢~~ 一於齊齊北上去了~! 
未出發先興奮
是日朱珍姨媽相約我哋7:45am喺屯門西鐵站等, 點知到8:20am先人齊, 大巴原定9點開車, 時間唔湯唔水, 食早午又唔夠時間, 去車站又太早, 所以唯有齊齊喺西鐵站 “hea”~~ “hea”到兩隻小魔怪周圍跑, 周街踎, 十足內地同胞~~~
等到8:45am, 我哋乖乖提早15分鐘到車站等車, 點知出師不利, 架車遲咗成粒鐘先到! 
喺天氣勁度悶熱下, 晢晢冇乜郁動都成頭濕晒, 好在無損佢心情啫~!
等到頸都長架大巴終於喺10am到啦~! 由屯門到深圳灣過關都好順利, 不過過完關冇耐就開始塞車, 我哋停留喺同一位置上足足兩個鐘頭!!! 大魔怪Yoyo好識趣一上車就瞓
! 但我哋隻小魔怪晢晢就成程車都生猛到暈! 一時拎來拎去, 一時唱下歌, 一時大叫 “Yoyo起身呀”… 總之冇時停! 爸爸媽媽捉到手都軟! 直到臨到步前15分晢晢先瞓得著, 但一落車晢晢又再次生猛過~!
大概一點多終於到達祈福喇~! 正式展開我哋祈福長隆之旅~! 
沒有留言:
張貼留言