晢晢B @ Swimming Pool, AGAIN~!

星期日晨吉咁早起身, 完咗早堂崇拜, 再同爺爺嫲嫲食埋個Lunch其實都幾攰, 但每日早出晚歸o既爸爸依然好有晢晢心, 返到屋企餵完飯就帶咗晢晢去樓下會所泳池游水活動一下, 今次媽媽太攰冇落到水, 不過就充當咗攝影師, 拍咗d相同片嚟留念~~

 

是日BB池維修, 晢晢就轉移陣地去咗洗腳池玩~! 仲一邊玩一邊唱住rain rain go away, 佢當個花灑係落雨呀~!

晢晢用水泡游水一次比一次平衡得好, 呢日爸爸特別帶個沙灘波引晢晢游幾步, 果然有計~!

 

不過冇耐晢晢就唔肯用水泡, 又唔畀爸爸扶(想徒手自己游! 好大膽!)… 爸爸唯有同佢玩其他玩意…

玩意1 --- 池邊小機關 (其實喺幾年前已經無意中發現呢個小機關, 不過呢次係第一次同晢晢玩~! 晢晢都覺得好出奇呀~!)

 

玩意2 --- 1-2-3 JUMP --- 爸爸抱住晢晢喺池邊, 晢晢數完 "1-2-3 JUMP, 爸爸就扶住佢"跳"落水~! 咁都畀爸爸諗到, 晢晢玩到唔捨得走~!(段片upload咗幾次都upload唔倒tim...)

 

我哋一家三口玩咗個幾鐘就返上樓, 晢晢食完奶冇耐就變咗豬仔~! 媽媽同爸爸就要執埋D手尾先有得休息… 第二日仲係殘酷星期一!!! 不過為咗晢晢邊度有得計? 一個星期只有一日半日可以帶晢晢玩, 點忍心困佢喺屋企? 只要晢晢開心, 爸爸媽媽辛苦少少都值得o既~!!