為媽媽加油! – 19 WEEK 3 DAY - 02.06.10

小B, 為著這幾個月所發生的種種不如意事, 媽媽都不知哭和失眠了幾多個晚上, 有時甚至覺得媽媽對你很不公平, 要時時懷著這種負面情緒陀著你… 幸有位姊妹很懂得安慰媽媽, 她說:『在這種處境下生下來的孩子必會是堅強的孩子』, 但願如此…  

近日, 媽媽又為著你哥哥退學的事感到很苦惱, 或許因為這幾天你爸爸都不在身邊, 一個人夜欄人靜, 想下想下, 又會哭起上來… 但每次當媽媽哭得最激動時, 你總是郁動最厲害, 像在提醒媽媽:『hey, 我喺度架! 你唔好唔開心啦! 你唔顧下大都顧下我呢個細丫~!』

媽媽真的很傻, 總愛鑽牛角尖! 其實你哥哥都沒有不開心呀, 仍然是每天崩崩跳的, 只是媽媽一相情願覺得你哥哥會唔捨得學校吧! 

今天早上, 媽媽嘗試著積極面對, 媽媽鼓起勇氣對哥哥說:『呢個星期你放假唔駛返學, 但下個星期一就要返架啦!』哥哥話:『搭shuttle bus返學呀?』媽媽話:『唔係架啦, 以後我哋搭港鐵返學, 唔駛再搭shuttle bus架啦!』哥哥就興高采烈的說:『晢晢搭港鐵返學!』… 媽媽心情終於能放鬆一點(這幾天媽媽連『返學』二字都不敢說!) 

小B, 多謝你時時『郁郁貢』, 提醒媽媽不可以再自私的自尋煩惱! 要做個開心媽咪! 其實天父已安排好一切, 媽媽實在不應該再自怨自矣… 媽媽實在太不知足…  

下星期一媽媽就要帶你做結構性超聲波檢查, 即是我們就快知道你的性別了, 其實男的女的都沒所謂, 只要你健健康康就是最好的了~! 而且媽媽已為你想好了名字, 無論是男是女都合用的, 媽媽想得夠周到吧~!

媽咪肥咗好多啊~!