呢日本來一早要返教會, 但早上接到電話, 突然有事要留守大西北, 所以就趕唔切喇... 早上完成所有事情後, 爸爸突然提議到迪士尼... 附近o既迪欣湖行吓
, 見天氣咁好, 一於起程出發~! 
放親假, 晢晢都係雜糧當正餐... 呢日算食得『正經』架喇~!
晢晢第一次坐迪士尼線~~ 佢都留意到車上有好多Mickey~! 
我哋終於到咗迪士尼... 門口啦~! 
沿路一直播起輕快音樂, 晢晢好快已經好投入, 好興奮~! (雖然只係門口~!)
晢晢你望緊乜嘢?? 
一場嚟到, 影多幾張相先~!
呢張相係晢晢影架! 爸爸叫佢拍Woody, 佢就真係拍到, 仲影得幾靚tim~~
兜咗個圈, 就正式出發到目的地... 迪欣湖lu~~ (晢晢:『吓~! 咁快就走嗱?』
)
之後我哋冇搭到巴士, 選擇由迪士尼行去迪欣湖, 因為爸爸話『好近』喎
... 雖然天氣唔算好熱, 但好晒, 沿路又冇瓦遮頭, 媽媽不停喊辛苦
, 但佢哋兩仔爺樂在其中~!
晢晢:『媽咪, 行快d啦~!』
幾經辛苦(講吓啫)終於到啦, 嘩~~ 原來呢度都好靚架~!
本來諗住入嚟踩家庭單車(因為爸爸一個踩就可以坐晒成家人嘛), 不過d單車一早已經畀人租晒... 咁遠嚟到, 都搵d嘢玩吓啦, 最後就決定踩下水上單車喇~!
晢晢:『媽咪, 睇吓你條肥腰幾粗! 連個扣都扣唔埋啦~!』
晢晢個位冇安全帶, 媽媽全程『鍊』到佢實(件救生衣), 好怕佢會跌落水~!
幾嘆~~ 
隻船係前後排, 所以拍唔到全家福喇, 唯有同媽媽影住先~!
見到嘛? 彩虹呀~! 連晢晢都話好靚~~~ 
踩完水上單車, 就帶晢晢到附近公園玩, 果度有個噴水設施(唔識講~!), 晢晢開頭都玩得好詩文, 但不久就變咗濕水雞~!
晢晢喺度玩得最最最開心, 不停大笑, 大玩, 大跑咗45分鐘~!
晢晢話佢玩緊捐山隆喎~!
玩到大概5點幾, 見晢晢開始腳仔軟, 就同佢換衫走人, 臨走前佢要求飲牛奶, 媽媽就到seven買咗盒『屋仔牛奶』畀佢, 飲咗幾啖, 上車冇耐就瞓到gur gur聲lu~~
, 爸爸媽媽又可以有『安樂茶飯』食喇~!
晢晢:『迪欣湖, 我一定會再嚟架! 等我!』
沒有留言:
張貼留言