呢堂又係由婆婆代勞帶晢晢返PLAYGROUP
, 佢哋早到咗, 本打算喺街上流連一陣先上樓, 點知晢晢突然話要『ALL豬豬
』, 婆婆只好帶佢上樓解決… WEE完後, 婆婆見條走廊咁焗, 就諗住同晢晢落返地下大堂等(有冷氣), 點知晢晢好緊張咁話:『唔走呀! 我要返PLAYGROUP呀!
』, 婆婆只好陪晢晢喺條又悶又熱o既走廊焗十幾分鐘… 真係難為了婆婆…
今堂Surman對晢晢o既評語:
今堂要求小朋友用完整句子表達, 例如: 『我想要xx』, 然後先可以拎佢哋想要o既物品, 晢晢呢part冇問題…
之後叫佢哋分別男同女, 例如問佢: 『Kevin哥哥係男仔定女仔?』, 晢晢就答到一塌糊塗
!! 但到玩遊戲時, 例如叫佢: 『晢晢, 拎個女仔/男仔畀我(lego公仔)』, 晢晢又做得全對!
Surman姐姐同媽媽都覺得晢晢係特登玩嘢, 對於人哋成日會考佢o既問題就會刻意答錯晒!!! 
到曳曳部份... Surman姐姐話今堂晢晢特別唔願意分享, 其中一個遊戲係每人一塊lego板, 然後要求小朋友互相交換所擁有o既物品, 但晢晢唔肯交換不特止, 仲搶咗其中一個同學塊板然後跑咗去, 同學想拎返佢就愈跑愈快, Surman姐姐見狀就叫同學玩枱上面晢晢原先果板, 晢晢見到就大叫:『呢塊晢晢架!』, 然後仲要喺度扮喊!!! (搶完人哋仲要霸枱面果塊真係過份得交關!!!)
之後到建構部份, 本身遊戲係要求同學先收隻不同o既物品, 然後砌成一件作品, 完成後就一齊分享成果, 但晢晢完成後竟一腳踢lum晒!!! Surman姐姐同媽媽都有點擔心晢晢會只喜歡破壞而不懂享受建設成果, 日後會再加強…
仲有一件曳事, 就係呢堂唔知仲乜晢晢好興奮, 當開心時就走去大力拍枱
, 然後大叫『好嘢!』, 仲引埋其餘兩位同學仔一同起哄齊齊拍… Surman姐姐話晢晢呢堂表現同上兩堂好大分別, 有點uncontrollable, 問媽媽晢晢呢日係咪唔在狀態 (唔夠瞓/唔舒服), 媽媽估佢係舟車勞動有點攰掛…
曳嘢講完, 講埋餘下部份… 今堂有一個遊戲係用棍同呼拉圈砌成一個模擬捐山隆, 中間有如十字路口, 遊戲係畀指令小朋友, 例如:『藍色(呼拉圈)入, 紅色出返嚟』, 之後加入難度, 例如:『紅色入, 拎隻狗仔, 然後黃色出』, 之後再進深, 要求佢哋拎兩件物品先出返嚟, 晢晢喺頭兩個level handle做得唔錯, 但level 3 就有點疑惑, 尤其唔記得咩顏色出口出
… (媽媽覺得呢個遊戲好有心思! 真佩服Surman姐姐會有咁好諗頭!
)
呢堂仲有一個遊戲係要求小朋友一人負責一個顏色, 然後就去收集果種顏o既物品
, 初初晢晢每入圈圈一次就拎一件物品出嚟, 每次都拎得對, 但漸漸覺得自己慢, 就開始一次拎幾件, 拎拎下就開始漫無目的, 咩顏色都走去拎一餐, 拎到錯晒! 
Surman姐姐分享完, 媽媽就問晢晢喺聽中文顏色時有冇問題 (因為平時問晢晢中文顏色時有時都會答錯, 英文就百分百~!), Surman話完全冇問題 (啫係平日又係特登答錯啦!), 之後Surman姐姐講咗件趣事, 話說班中有一位以英文溝通為主o既同學, 有日Surman姐姐講『韆鞦』, 同學唔明白, 晢晢就主動做翻譯:『This is swing』, 然後就轉台跟同學仔用英文溝通, Surman姐姐話晢晢呢個行為都反映出佢幾肯照顧人, 咁媽媽都安慰返d~~~ 
媽媽對於晢晢呢堂表現雖然有點失望, 但又好感謝導師老實同媽媽反映(導師大可以話冇問題, 咁家長就no complaint啦!), 又慶幸及早發現問題(好多時小朋友對住屋企人同外人會有好大分別架嘛), 讓我哋一齊幫助晢晢改善!! 晢晢, 難得遇到位好導師, 咁你就乖乖喺度學好d啦~!
第二日, 媽媽開始審晢晢, 開始時緊係講d開心嘢, 例如問佢『係咪玩捐山隆呀?』『Surman姐姐鍚唔鍚你呀?』, 之後慢慢嚟料…
媽媽:『晢晢, 你返playgroup果陣係咪搶同學仔個玩具呀?』
晢晢: 點頭… 不語
媽媽:『晢晢, 搶人嘢啱唔啱架?』
晢晢: 搖頭… 不語
媽媽:『咁你鍾唔鍾意返playgroup?』
晢晢: 點頭… 不語
媽媽:『你鐘意就要聽話, 唔好搶同學仔d玩具, 一人一個唔準爭, 知唔知道?』
晢晢:『知道!』
媽媽:『仲有上堂時可唔可以周圍跑架?』
晢晢: 搖頭 (又唔出聲)
媽媽:『咁下次上堂要點呀?』
晢晢:『要坐定定, 坐定定先有貼紙』
希望下堂有改善啦… 
沒有留言:
張貼留言