晢晢舊同學聚會 – 25.09.2010

呢日晢晢一班老友記齊齊嚟到我哋屋企玩呀~!

                                      

呢班朋友仔,

由8個月大返幼潛開始認識,

數數手指,

原來已經認識咗兩年啦~!

時間過得真快...

                                      

好啦~!

先介紹吓呢日有邊個出席先…  

嵐嵐 - 佢媽媽擔心佢唔長頭髮, 但睇返相, 其實都長多咗好多啦~!

 卓卓 – 個樣變得最多~! 愈大愈靚仔~!

 穎穎 – 細時好肉地, 不過而家都唔弱~!

 Anna – 由細至大都比較細粒, 但一D都唔易『HUP』~!

 仲有… 晢晢 – 細個似豬, 大個似馬騮~!

 一大班小朋友聚埋一齊,

就會有好多歡笑聲,

佢哋可以咩都玩一餐,

睇見就覺得佢哋好可愛

希望時時都有呢相聚o既機會就好咯~!

                                         

時而一起砌PUZZLE...

時而各自找玩意...

男孩子都係喜觀玩車車, 但原來Anna都係車迷, 手拎住巴施光年搖控, 但眼未離開過d車車...

卓卓同嵐嵐一齊演奏木琴, 卓卓仲用佢o既超低音獻唱一曲ABC~!

中場休息, 卓卓媽向每位小朋友送上一包餅, 晢晢跟卓卓老友鬼鬼, 有凳兩份坐~!

愈玩愈熟絡, 開始玩追逐, 尖叫聲不斷, 睇見就覺得好好笑~!

個個都笑得好開心~!

跑跑吓, 個個跑咗入晢晢間房, 呢度從未試過咁熱鬧架~!

其間佢哋又跳咗上大人床上又跳又碌, 卓卓仲自己拎埋被被, 好得意~!

晢晢搶咗卓卓手上架車車, 所以卓卓喊得咁淒涼, 不過事後晢晢睇返呢張相時竟然同媽媽講:『卓卓喊係唔係因為晢晢搶咗卓卓架車車呀? 晢晢唔啱呀!』(整喊完人哋先識咁講...)

晚上我哋五個家庭齊齊到會所食飯, 食飽飽齊齊來張大合照~!

影呢張相都有段小插曲,

話說某位媽媽想小朋友做YEAH手勢,

就叫小朋友扮小白兔,

點知小朋友一聽到就走晒落彈來彈去扮小白兔崩崩跳,

場面實在令人笑到肚痛~!

                             

呢日實在玩得好開心!

真感激各位山長水遠嚟玩~!

有空一定要再嚟!

隨時歡迎~!