呢堂9月18日上, 但9月29日先review, 因為早前Surmen姐姐出咗埠…
上課情況:
呢堂Surmen 姐姐預備咗用咭紙造的形狀咭畀小朋友憑手o既感覺認返出嚟 (例如: 圓形, 心形, 星形, 三角形…), 主要要求小朋友摸咭o既邊位… 挑戰十分簡單, 所以晢晢亦能成功過關~! 
之後Surmen姐姐同小朋友玩倒後行, 主要想睇吓小朋友能否行到直線同有冇距離感, 晢晢表現不錯~! 
(當然, 晢晢日日都玩倒後行咁滯, 連倒後行落斜都冇問題, 行平路又點會難到佢~!?
)
課堂下半部份係玩形狀排列(都唔知係咪咁叫!?
), Surmen姐姐預備咗一件細, 一件大, 由咭紙造成o既衫, 先喺細衫仔上排三個形狀(例如打斜線排及以『田』字排但欠一格), 然後小朋友就要觀察完細衫仔後, 喺大衫仔排返相應圖案! 遊戲看似簡單, 但事實要小朋友將一件物件先放大後做出相應圖案都唔係一件易事
, 要有好強空間感方能掌握~! Surmen姐姐話晢晢對於砌斜線圖案未算掌握得好穩, 需要喺大衫仔上畫上斜線作提示先做得順利~!
之後Surmen姐姐將大衫仔貼於牆上, 改用海綿印圖案, 晢晢表現投入, 但奇怪地佢以為舊海綿印咗上紙就會黐喺畫紙上, 結果當然不停跌跌跌, 搞到污污糟糟~!
(聽到晢晢鍾意垂直印海綿畫, 就好想喺屋企掛起買咗成年o既畫板畀晢晢玩, 唔知爸爸幾時得閒搞搞佢呢?
)
小記: 呢日返PLAYGROUP去到門口又係扭爸爸計, 媽媽就問Surmen姐姐入到課室後情況… Surmen姐姐話, 通常佢都唔會呵晢晢(因為佢覺得佢唔受呢套), 佢會同晢晢講:『爸爸走咗架啦, 咁你入唔入去玩吖? 你唔入我走架啦~!』 然後晢晢就會跟住入課室玩, 又會好投入課堂…
其實開始時晢晢返PLAYGROUP都唔會喊, 係自從入過醫院後就次次都扭計, 明顯地只係撒嬌而唔係唔鍾意返, 但堂堂都係咁都唔係辨法, 有乜計呢??? 
沒有留言:
張貼留言