媽媽坐月, 晢晢就好似跟埋媽媽一齊坐月咁... 平時喺婆婆屋企, 瞓醒午覺姐姐都會帶佢去公園放放電
, 但而家, 放咗學就返自己屋企, 一直無無聊聊玩東玩西直到爸爸回家先有人同佢玩吓
... 睇見就淒涼
! (hee, 有幾淒涼
) 所以一到weekend, 爸爸都會盡量帶晢晢去玩, 呢日返完playgroup, 爸爸就帶咗晢晢行沙田, 到臨走時, 畀晢晢見到Snoopy Land, 就一支箭咁標咗去玩lu~!
一年前我哋同晢晢玩呢d設施都要跟上跟落, 而家已經可以好放心畀佢自己玩咯~!
黃巴士~~ 晢晢見到一定唔會放過~!
果然係...
晢晢:『我係司機叔叔嚟架!』
玩到四點幾, 就收到爸爸電話話『返緊嚟』, 但隔咗一陣爸爸又打嚟話:『我哋未走呀! 晢晢話要排隊拎波波喎!』媽媽覺得好奇怪:『晢晢一向對呢d波波冇興趣過喎, 無啦啦又要拎都有o既!?
』
晢晢:『排咗好耐啦... 到我未呀!?』
返到屋企, 晢晢一入門口就大叫:『妹妹, 妹妹, 我送個波波畀你吖~!』... 噢!!! 原來晢晢排咁耐隊係為咗送個波波畀妹妹~~~ 真抵鍚~! 
除左讚你同晢晢, 真係要讚下晢晢爸爸, 佢真係一個好爸爸好老公!!因為有晢晢爸爸, 你們可以生活得無憂無慮!
回覆刪除[版主回覆11/05/2010 13:00:00]嘩! 你咁誇獎晢晢爸, 佢見到一定鬆毛鬆翼~!
哲哲真係好錫妹妹喎~抵讚!
回覆刪除[版主回覆11/05/2010 13:01:00]都幾抵錫架~!
係呀~~提提你~ 晢晢個晢字下面係"日"字唔係"口"字架~!
好感動呀
回覆刪除咁小朋友做得叻要讚, 大人都一樣要架嘛!!再講, 晢晢爸爸真係好抵讚!!
回覆刪除我都想問好耐架啦....點解晢晢係用"日"字呢個晢...有乜意思架??
[版主回覆11/09/2010 10:46:00]『哲』同『晢』都有『明智』o既意思, 不過日字嗰個晢就仲有『光明』o既意思, 『翱』翔喺光明之中都唔錯吖, 所以就揀呢個『晢』喇~!