艾篙PLAYGROUP 2 - 第九堂 - 13.11.10

第八堂都未紀錄就寫第九堂? 只因Kevin哥哥仲未call媽媽...

好啦! 講返呢堂情況先~!

Surmen姐姐拎咗d手工紙認形狀, 晢晢當然做到, 之後再拎一張正方形手工紙, 問小朋友正方形要點摺先會變三角形!? 晢晢會嘗試斜摺, 但仍未做到角對角, 不過當對摺咗一次後, 再要佢再對摺一次(即摺出一個交义)晢晢就能夠做到~! 之後再要求小朋友用較剪沿摺線剪出4個三角形, 晢晢對使用較剪仍未夠靈活, 尤其『開』果下...

之後再用剪出的三角形拼出『屋』及『皇冠』圖案, 晢晢能夠對準角位, 表現不錯~! 最後Surmen姐姐再要求小朋友將4個三角形合併成一個正方形, 晢晢要提先能做到...

課堂下半部份係玩『噴射機遊戲』, 先要求小朋友用手工紙剪出魚的形狀, 再畫上眼睛及加上尾巴, 之後就利用不同工具令條魚前進, 遊戲有助訓練手眼協調~!

第一件工具係水樽, 按壓下令樽口噴出空氣從而使魚噴走~! 第二件工具係氣球泵, 一拉一推下令魚被噴走~! 呢兩件工具晢晢都控制得不錯~! 到第三年工具都係一個水樽, 但樽底已被界走, 並加上咗一隻醫生手套, 小朋友要拉行隻手套然後放手空氣先會再樽口噴出~! 晢晢雖然做得未如理想(最大問題係對唔準條魚), 但又表現到佢o既探索精神, 因為佢會嘗試用唔同方法意圖令樽口噴出更多空氣(例如佢會塞晒成隻手套入樽先再拉出), 值得欣賞~! 不過, 當晢晢做唔到時就會很快放棄, 要多番鼓勵下先可以繼續~!

臨放學時, Surmen姐姐問:『今堂學咗咩嘢變咩嘢?』晢晢能夠答到:『正方形變三角形』... 果然留心上堂~!

Surmen姐姐話, 晢晢上多一期就要轉到大d既班, 因為現時o既課程對晢晢來講開始變得太淺, Surmen姐姐話科學班比較適合晢晢~!

上完堂爸爸就帶咗晢晢食兒童餐, 好豐富啊~!

好少可見晢晢食嘢食得咁積極...

仲有甜品添~!

咦~ 點解晢晢食乜都係用手嗱o既???