巨型玩具

每次出街

爸爸都會帶晢晢睇玩具

有時甚至主動向晢晢提議買玩具畀佢 (即使晢晢從未要求要買!)

媽媽喺身邊時都會極力阻止

因為唔想晢晢養成壞習慣!

 

近來媽媽坐月

爸爸跟晢晢多了單獨外出的機會

每次出完街返到屋企

晢晢手上都會多咗份玩具

而且一次比一次大份

媽媽『身不由己』

只好『隻眼開隻眼閉』

 

不過

喺剛剛o既星期六

爸爸竟然... 竟然... 竟然...

竟然買咗呢架大車車返嚟!!!

(係爸爸主動要買, 晢晢冇要求過!)

媽媽打開門見到架車時

差點激到暈低!!!

                       

咁大架車車, 晢晢當然開心!

見到個仔開心

做媽媽理應都會感到開心

不過...

媽媽郤有點罪惡感

媽媽明白爸爸送呢架車車都只因為鍚晢晢

不過...

都誇張了點吧...

媽媽倒希望晢晢樸實一點...

                                

晢晢急不及待帶架車車到公園玩

為咗讓晢晢明白唔係樣樣事都係垂手可得

不勞而獲

所以都訂立咗一些規矩要晢晢遵守方可以玩車車

例如...

喺屋企唔准玩

爸爸未返唔准玩

要乖, 要聽話, 要有禮貌, 要收好玩具, 要做晒功課等先可以玩...

幸好晢晢都樂意服從

媽媽先冇咁擔心...

晢晢要同妹妹合照~!

晢晢

爸爸真的好鍚您

時時都想給您最好

而媽媽...

都一樣咁鍚您

管教只是不想你被寵壊

所以您一定要聽教聽話

不要枉費爸爸媽媽的苦心~!