第一次帶BB打針

今日第一次帶BB打針, 心情都有D緊張, 我肉痛佢比人拮之餘, 又擔心佢會唔會喊到拆天呢?會唔會發燒? 會唔會影響胃口??? 唉, 做亞媽就係咁多嘢擔心o架啦~~~

到咗健康院, 首先睇咗D黃先, 個醫生話佢都退咗好多, 係D皮膚未退晒, 要再觀察, 1月21日再返去再check, 都好... 跟住我順口問醫生我餵4oz一餐(3hr一次)會唔會太多(亞媽成日話我餵得太多!), 醫生就話食幾多唔係大人決定, 係BB決定, 你發覺BB唔夠食就要加比佢o架啦... 聽完之後, 我就決定加返半oz比BB, 佢一直都食開4.5-5oz架嘛, 係婆婆話太多我先減~~

見完醫生就要打針啦...

入到打針房, BB其實都瞓咗, 咁我就係咁叫BB唔好睇, 我怕佢驚(其實係我驚就真), 見到姑娘拮落去果下我都真係有D赤, 心諗: "姑娘, 快手D啦!", 亞B就即刻醒晒之餘, 仲喊到豬頭咁, 成塊面紅晒, 我仲諗要有呵佢好耐, 點知BB好"UN"皮, 未出打針房已經唔喊, 仲瞓返tim! 我問埋姑娘, 佢話呢支針打完係唔會發燒的... ohho, 放心晒!

BB, 你要健康成長呀! 錫晒您~!