喺WEEKDAY, 晢晢每晚都會問一個問題, 就係:「爸爸呢?」, 媽媽每次都會答晢晢:「爸爸返工」… 有時, 晢晢會點下頭就做其他事, 有時, 又會拎起媽媽個手提話, 示意要打畀爸爸... 通常佢哋會傾幾句, 加一兩首歌就會掛線…
有時睇見都幾心酸… 爸爸工作好忙, 差不多每日都超過半夜2點先返到屋企, 有時甚至做通宵到第二朝都唔見人! 每晚, 就只得媽媽與晢晢玩… 不過, 無論媽媽如何落力陪晢晢, 晢晢個心都未填滿… 佢依然需要爸爸…
今朝, 爸爸又因為工作冇返屋企, 晢晢張開眼, 同媽媽講完「早晨」後, 下一句又係問:「爸爸呢?」
晢晢愈大就會愈懂性, 媽媽真唔希望到有一日晢晢會「習慣」沒有爸爸的晚上, 以後都唔再問:「爸爸呢?」
爸爸, 可唔可以唔好再忙得咁緊要, 早d返屋企陪下晢晢??? 晢晢掛住你呀~!
再咁遲返, 信唔信抱埋晢晢去你公司門口抗議丫嗱~! 哼!! 
沒有留言:
張貼留言