爸爸~晢晢~~~ 中秋節快樂~! 
剛過去o既星期六係正日中秋節~! 呢朝早爸爸好識做咁單拖帶咗晢晢返公司(係呀~! 爸爸放假都要做…
), 而媽媽就好梳乎咁瞓到11點幾先起身~~~ 真係好爽~~~ 係好耐都未試過咁爽爽爽爽爽~! 
媽媽抖夠就出門口同爸爸 & 晢晢會合, 然後齊齊上爺爺嫲嫲屋企做節… 
數下手指, 原來晢晢都有成個月冇見過爺爺, 嫲嫲同大伯佢哋咯~! 好在晢晢都唔係怕生保o既BB, 仲識得入屋叫人… 氹得佢哋好歡喜~!
呢日嫲嫲仲邀請咗佢對面屋聞名以久o既三包胎其中一個B過嚟玩~! 呢三包胎聽嫲嫲就講得多, 今次終於見到面喇, 原來已經8個月大~~ 哈~! 比我想像中大隻 (仲以為三包胎會細粒D tim~!). 晢晢見到BB就不定叫 BBBB~~
又想拎大伯個足球同BB玩~~ 真係笑C我哋~! 
食飽飽, 我哋一家三口仲有下場… 就係去荃灣海濱公園賞月兼影靚相~!
呢日我哋玩到12點多先走, 真係攰到飛起~! 不過見晢晢玩得開心, 就乜都抵返晒啦~! 
沒有留言:
張貼留言