尋日晢晢終於正式開學啦~! 
前一晚, 唔知晢晢係咪心情太過緊張呢!? 竟然成12點先瞓, 所以第二朝唔願起身啊~!
氹掂隻豬起身後, 爸爸就同晢晢梳洗, 之後就輪到媽媽幫手換校服, 本來一直都好順利, 但一同晢晢穿上灰襪時, 晢晢竟然話:「I want BLUE socks 呀!」
... 真奇怪!? 明明晢晢對顔色都冇偏好架!? 
... 最後爸爸引開佢注意先換好校服咋~! 
雖然學校都係位於大西北, 但都要搭程車先到~! 上咗專巴後, 突然感到車外有人揮手
, 啊! 原來係婆婆, Yoyo, 仲有印印姐姐呀!!! 
晢晢好興奮, 一路向佢哋揮手同大笑, 直到專巴開出先停~!
大概8點45分就到學校, 可能晢晢有返開PLAYGROUP, 又見過班主任Ms. Wong, 所以一d膽怯都冇, 仲自動走入課室(咁啱晢晢個課室就係上PLAYGROUP果間房!
), 又自動走到玩具架拎玩具埋位坐定定玩, 之後連眼尾都冇望過我哋lu... 
睇見晢晢咁快適應, 媽媽心情... 又冇想像中咁「傷感」喎, 反而好似鬆咗口氣~! 
開學頭一個星期係新生適應期, 只需上1個小時堂, 所以送完晢晢到學校後, 爸爸媽媽就到附近嘆早餐, 食飽飽就剛夠鐘接晢晢放學~!
去到學校, 原來晢晢已經喺門口等緊我哋, 老師同我哋講: 「晢晢好乖冇扭過計, 水同餅餅又食晒, 只係一叫放學就唔捨得走, 喺度呱呱叫~!」 (晢晢, 你係咁鍾意間學校就好咯~!)
上學第二天...
今日係晢晢第二日返學, 一樣冇扭計~! 
一入學校大門已自動直入轉左入課室, 又係完全冇理過我哋兩老...
爸爸媽媽嘆完早餐, 仲未夠鐘接放學, 但我哋都早少少到喺門口「裝」下, 哈哈~ 畀我哋見到晢晢玩緊「聰明笨伯」車呀! (「聰明笨伯」啫係坐咗入去要自己用腳行果D車仔囖~!
)
一夠鐘, 晢晢一馬當先跟Ms. Wong 到學校大門, 老師又係話晢晢冇曳...
媽媽問:「晢晢, 返學好唔好玩呀?」
晢晢:「好玩呀!」
媽媽:「咁今日做過乜嘢呀?」
晢晢:「晢晢 driving 呀... 食餅餅呀...
」
ummm... 似乎都好開心咁, 不過而家只係返一個鐘, 晢晢已經攰到一上到婆婆屋企就瞓著(尤其今日有運動堂), 下個星期返兩個鐘時又會點呢!?? 希望繼續咁順利~!
晢晢加油!!! 
沒有留言:
張貼留言