上課情況:
Surman姐姐喺地上貼咗d腳板圖案, 個排法係類似『T』字, 即一隻橫, 一隻直咁放, 藉以訓練佢哋腳仔協調, Surman姐姐話晢晢有點硬, 只能同時放兩隻腳向同一方向, 但又話3個同學仔中只有1個先做到… (或者呢個遊戲難度有點過高~!
)
另一遊戲係要求小朋友從一點走到另一點, 但要跟住地上o既腳板行, 行到前面冇腳板就要從後面果位同學pass d 腳板向前, 然後最前果位同學就要按照目的地方向貼腳板然後再行, 遊戲顯示晢晢喺方向感同合作性都冇問題~! 
之後Surman姐姐拎咗d斜面有點高度的圓柱體叫小朋友『行石頭』, 晢晢表現有點驚同企唔穩
… (有點意料之外, 晢晢大肌肉一向不錯, 估唔到佢會驚, 或者因為係斜面~!)
到下一環節, 遊戲係平衡力與空間概念結合, 先要求小朋友踏過放有大lego的一條路, 再喺個有米o既盒中找出眼、耳、口、鼻圖案, 然後再走返轉頭貼到面孔圖案中, 過程中晢晢表現投入, 亦好畀機找出圖案, 而且能準確放好眼、耳、口、鼻位置
, 但當踏lego路中跌咗嘢時, 晢晢多用烏低身而非踎低o既方法去執, Surman姐姐話咁顯示晢晢大肌肉未夠強, 但媽媽就覺得只係咁啱呢日係咁, 因為平時晢晢係好踎得架~! 
此外, 遊戲中Surman姐姐會問晢晢:『個面孔仲差d乜嘢呀!』, 晢晢會正確答出例如:『差隻眼』然後再努力去搵, Surman話可見晢晢邏輯思維能力不錯~!
遊戲最後部份係同個面孔砌牙仔, Surman姐姐話晢晢表現不錯, 雖然都需要點協助, 但大致上喺分辦大小(尤其size相差不遠的牙仔)都算係理想的!
上課情況講完, 就到課堂秩序方面, 晢晢表現依然欠佳
, 能坐定定o既時間愈來愈短, 即使Surman姐姐罰佢『唔坐定定就冇得玩』, 晢晢依然自得其樂一個人留喺房間跑來跑去, 完全唔care自己冇得同其他小朋友玩, 亦唔覺得呢個係 Punishment! (聽落都覺得難搞! 但晢晢平日係唔會咁, 究竟點解會咁呢??
)
有見及此, Surman姐姐決定下下星期調一次堂看看晢晢表現會否有改善… (唉… 仔, 你生性d, 唔好要媽媽勞氣啦, 好唔好??
)
回覆刪除要緊記尊重知識版權，拒絕一切侵權行為喔！避免非法上下 載或傳送受版權保護的電腦軟件、影片、圖像、音樂作品等。 如果想知道更多有關善用互聯網的資訊，可以來我地個Blog看看丫^^