本來星期四呢堂係調到星期五, 但因為晢晢上堂晢晢課堂秩序上開始有點進步, 媽媽就跟Surman 姐姐要求維持原狀, 因為媽媽唔想晢晢又要從親適應… 
上堂前一晚, 晢晢瞓得極差, 7點無啦啦瞓咗, 到10點起身就一直玩到半夜2點先肯瞓, 其間仲不斷要求爸爸媽媽陪佢玩, 應遲佢半秒都唔得!!! 好不容易軟易兼施氹掂佢瞓, 到早上7點正又彈咗起身, 媽媽以為晢晢如此精神狀態下返PG實會搗蛋, 好彩又冇乜大問題~! 
上課情況:
今堂活動主要集中在數學概念上, 第一個遊戲係砌咗條路, 最近係1, 之後到2, 最遠係3, 晢晢對於認讀123及遠近概念冇問題… 
喺1, 2, 3 各點都放有一桶, 桶內各有印有頭(1號桶), 身(號桶)及腳(3號桶)的咭紙, 小朋友收集好頭, 身及腳3張咭後, 就開始砌返好咭上o既圖(有3個人物, 分別係消防員, 警察及護士), 其間小朋友或需跟其他小朋友交換手上的咭直至砌到正確圖案~! 遊戲中, 當晢晢拎到3張咭其中一張時, Surman姐姐問佢:『晢晢, 你仲差d乜呀?』晢晢就會好清楚答到差邊兩張, 但當佢手上有2張咭, 佢就唔太肯定自己差d乜! (又會咁o既?
) 另外, 晢晢對於1號頭, 2號身, 3號腳都不太肯定, 好多時都要『裝一裝』個桶先拎到所需o既咭~! (睇嚟遲d媽媽都要買返d類似o既puzzle喺家中好好操練一下!
)
到下一part, Surman姐姐用數字123教小朋友數字之間o既關係, 例如喺1同3中間拎走2, 再問佢哋唔見咗邊個, 晢晢只係一時時答到… 
(大件事, 媽媽失憶愈來愈嚴重, 已經再記唔起上課做過乜… 咁… 唯有記住咁多先…
)
上課秩序方面, 晢晢表現已穩定下來, 冇打交, 冇爭玩具, 亦坐得定咗好多(當然仍有進步空間), 媽媽聽到都放心晒~! 
沒有留言:
張貼留言