戒夜片

晢晢兩歲已戒咗日片, 但夜片呢, 一直都唔知算戒咗未!? 有時連續幾個星期唔濕, 但間中又會失手…

大概3個星期前, 晢晢連續3個早上都瀨濕, 仲要濕到連床舖都濕埋! 到第三晚, 晢晢臨瞓前媽媽同佢著上片片, 晢晢竟一臉認真同媽媽講:『媽咪, 你驚晢晢瀨尿呀?』媽媽就乘機思想教育一番…

『係呀! 媽咪驚你瀨濕呀! 你整濕晒d床舖, 又要拎去洗, 晢晢又冇pooh pooh被用, 你話幾慘喇~!』…

『不如晢晢應承媽咪唔瀨豬豬好唔好?』…

『嗱, 你要痾豬豬就同媽咪講: “媽咪, 我痾豬豬呀!”, 咁媽咪就帶你去廁所痾豬豬, 你張pooh pooh 被就唔會濕架啦!』…

『同媽咪抅手指尾好唔好?』

然後晢晢伸出小手指:『應承媽咪唔瀨豬豬!』

之後連續3個星期, 媽媽都像催眠般重複以上對白, 哈~! 估唔到好有效!!! 晢晢真的再冇半夜瀨豬豬!!! 每朝都係大叫『媽咪! 我痾豬豬呀!』

到星期日早上, 晢晢又係冇甩碌, 佢去完廁所就沾沾自喜同爸爸媽媽講:

『吖, 點解晢晢咁叻冇濕片o既?』…

『點解晢晢識得叫“媽咪, 我痾豬豬呀”咁叻o既?』…

『晢晢識得叫“媽咪, 我痾豬豬呀”, 然後媽咪就帶晢晢去痾豬豬咁樣lor, 真係好叻喎~!』

哈~! 真係得戚到冇人有~!!! 係啦係啦, 即管睇吓你會唔會再失手啦!