今堂婆婆臨走時晢晢又喊
! 媽媽同婆婆一致認為晢晢只係咋嬌
! 因為Surmen姐姐話佢一入到課室已經冇晒事! 當見到其他小朋友喊時更識得走埋去安慰人:『冇事架, 媽咪一陣返嚟接返你就冇問題架啦!
』(仔, 你識講又唔識做!?
)
上課情況:
今堂一開始係玩有關身體平衡o既遊戲, Surmen姐姐將雙手, 雙腳及pat pat分為五點並要求小朋友以唔同o既點掂於地上支撐身體~! 例如: 雙手雙腳掂地及撐高pat pat 或 pat pat 掂地並提高雙腳, Surmen姐姐話晢晢大肌肉同平衡力都唔錯, 唯做後者動作時晢晢要提點先識得曲膝幫助平衡~! 不過當要求小朋友數下自己有幾多點掂於地上時, 晢晢就一時時先答啱
…
課堂下半部份係玩泥膠, Surmen姐姐要求小朋友將泥膠搓成波狀, 然後用前三指慢慢按成杯狀… Surmen姐姐話晢晢大致上做到, 但就不太肯只用前三指, 有時會埋第四隻手指幫忙, 另外又表示晢晢呢堂對玩泥膠不太熱衷, 問媽媽是否近來時時玩? (Surmen 姐姐果然估得冇錯! 近來晢晢喺家真係日日都玩泥膠, 大大話話都玩咗成個星期, 所以晢晢唔熱衷真係一啲都唔出奇~!)
課堂秩序方面:
大致上理想, 於靜態活動時已坐得好定, 唯獨於大肌肉活動時久不久總愛跑, 而且更牽動埋同學仔Anna一齊跑, 幸好Anna係一個受教o既小朋友, 當Surmen姐姐話:『乖o既小朋友要坐定定先有得玩架』Anna就好快手變回乖o既小朋友坐好, 晢晢見Anna坐又跟住乖乖坐好, 課堂氣氛先不致太失控… 
另外Surmen姐姐話晢晢好會關心人, 呢堂因為Surmen姐姐有點不適所以帶上口罩, 晢晢就同Surmen姐姐講:『Surmen姐姐你冇事吖嘛? 要小心d知唔知呀?』(晢晢, 你真係好得意~!
)
沒有留言:
張貼留言