呢日晢晢仍有點黐身, 婆婆臨走時喊咗一陣
, 不過又係一開始有其他同學仔到就笑返, 都唔知佢點解會咁!? 
上課情況:
今堂上半部份主要係建構, Surmen姐姐要求小朋友用lego砌一烈火車, 晢晢對於延伸概念唔錯
~! 之後Surmen姐姐叫小朋友加上一條頗高o既煙囪, 然後問佢哋:『條煙囪咁高, 過唔到山洞喎, 點算呀?』晢晢就將成條煙囪拆走(仔, 咁都算係辦法!?
), Surmen姐姐就同晢晢講:『火車冇煙囪唔得架喎~』, 咁晢晢就改為只拆走幾舊lego令煙囪變短(咁算唔算識變通呢??) 其實Surmen姐姐本身係想小朋友做到加高個山洞(喺下面加多幾舊lego令山洞口變高), 但呢個概念似乎對於呢個年紀仍未掌握得到, Surmen姐姐遲d會再試過~!
之後Surmen姐姐叫小朋友砌肥架火車, 晢晢做得唔錯
! 然後再問:『架火車肥咗, 過唔到山洞點算呀?』晢晢今次就明白點要加濶個山洞~! 
之後Surmen姐姐叫晢晢派火車飛畀小朋友, 晢晢明白要一人派一張~! 不過晢晢喺搣飛呢個動作做得未夠靈活, 有時會用『抆』o既方法而唔係用『撕』, 宜多加練習! (其實平日同晢晢玩撕紙一向都撕得唔錯, 唔知點解呢日又會咁o既?)
到課堂下半部份 --- 音樂環節~! 今次Surmen姐姐要求小朋友用兩個唔同o既動作打拍子, 例如一手拍大脾, 另一隻手搖搖鈴, 晢晢於頭幾下或者提點下就可以同時做到兩個動作, 但要維持成首歌就暫時未得, 要加緊訓練先得喇~! 
課堂秩序方面:
晢晢表現仍然理想, 實在令媽媽感到安慰~! 
不過唔知點解, 自從住過醫院後, 晢晢每次返playgroup都喊晒口要黐婆婆, 幸好上課時會笑返… 不過當然能笑住入課室就更好~!
另外又唔知點解, 呢日上完堂晢晢又係話畀媽媽知佢冇返過playgroup! 到底咩原因佢要咁答我呢?
沒有留言:
張貼留言