益智玩具 – 英雄救美

呢份名為『英雄救美』玩具係數個月前從Anna媽介紹下得知而買下, 收貨當日, 媽媽即晚跟晢晢試玩, 媽媽突然靈機一觸同晢晢講…

媽媽:『晢晢, 今日小B買咗份體物送畀你呀~!』

晢晢:『嘩~~~』然後走到媽媽身邊, 輕輕拍一拍媽媽個肚:『BB, 多謝晒你呀! 我鍚晒你~!』(之後每隔一陣就走到媽媽身邊同BB講『多謝晒』, 真係畀佢笑C~!) 

開始玩時媽媽都懷住戰戰兢兢o既心情, 尤其呢d咁需要用腦o既遊戲, 總有d擔心晢晢會無心機玩, 而且媽媽都苦惱一旦晢晢唔明白個遊戲, 媽媽應該如何解說呢~!? (尤其要佢明白點解王子唔可以就咁飛過去救公主, 而一定要一級級咁行…) 

不過當一開始玩, 媽媽就知道之前所有擔心o既都係多餘~! 媽媽完全冇解說過, 晢晢已經好明白遊戲規則, 而且亦好畀心機想辦法過關! 當佢成功破解之後, 佢直頭開心到攬住媽媽話:『媽咪, 我成功啦, 我救到公主啦!! 我哋再嚟過吖!』... 真係估唔到, 原來2歲半人仔(當時只有2歲半)已經有能力玩呢個遊戲, 亦估唔到呢個遊戲可以帶畀佢咁大滿足感~!

一直都好想拍低晢晢玩o既過程, 但呢d要咁專注o既遊戲, 一舉機, 晢晢一定會分心, 所以唯有放棄… 直到呢晚, 媽媽突然見到晢晢同爸爸玩緊呢份玩具, 媽媽立即進行偷拍行動~!  

因為太遠, 收唔到音, 唯有加d音樂冇咁悶~!

虾碌片段~!

 

另外, 媽媽都買咗另一款名為『夢想城堡』o既玩具畀晢晢玩, 遊戲係跟住圖上o既指示, 然後利用手上積木砌出相同圖案, 從中可訓練空間感及邏輯思維能力~! 

晢晢由初時要好多提示先玩到, 到而家已經可以好清楚咁表示: 『今次唔要紅色』…『橙色放左邊呀』…『綠色圖案調轉咗啦』… 『支棍太長喇, 同呢支調轉試下啦!』… 腦仔轉得好快啊~!

今次媽媽冇買錯玩具啦~!