妹妹生長紀錄

今日有人話畀媽媽聽先醒起, 原來妹妹今日係『十二朝』... 媽媽真大意~!

紀錄一下妹妹生長情況先~!

體重: 出世3.63KG (8 lbs), 10月18日返健康院收水至3.57KG (7.85 lbs), 10月21日再磅已回升至3.59KG (7.9 lbs), 醫生話下次10月28日返去要有出生時體重先算合格! 妹妹加油~!  (後記: 10月28日已有3.93KG (8.65lbs), 合格了!!!)

吃奶情況: 除咗第一天返屋企過咗個慘痛o既夜晚外(遲d再講), 第二晚開始(即妹妹5日大)已戒了夜奶, 真神奇~! 現時每日大概9-10餐, 已可以全人奶, 更可喜是媽媽終於可以成功埋身餵奶(想當年媽媽係只係個全泵媽呢), 希望可以餵到妹妹超過歲半, 破晢晢紀錄~!

輸出情況: 每日平均有6-7條重手o既濕片, 2-3次boo boo, 即輸入得唔錯~! (對於埋身餵唔知食咗幾多, 呢個輸出顯示妹妹食得夠~! )

睡眠情況: 每晚食完11點餐奶就可以瞓足6個鐘(即5點就會醒), 然後餵完5點呢餐又會瞓到約8點正式起床~! 然後開始食食食!!! 日頭比較少睡, 時時眼碌碌~!

甩臍帶: 就喺十二朝呢日就甩咗啦~! 妹妹個肚臍係凹架, 幾靚架~!

黃疸情況: 10月18日返健康院時話佢黃有點偏高, 但未超標, 到10月21日返去覆診時指數已回落~~~ 感恩~!

晢晢:『妹妹真係好抵鍚~! I love YOU~!』