DIY薑皂

媽媽都係睇過曉詠媽個BLOG先知有薑皂呢樣嘢~!

薑皂係坐月其間沖涼, 洗頭或洗手用, 作用就好似以前煲薑水咁, 但就方便好多~!

材料都買咗一段時間, 近日終於的起心肝開工製作~!

主要材料 --- 薑

嘩! 咁大舊薑, 媽媽磨咗1/3就收手喇~!

之後將皂基切細以便融解

媽媽誠意邀請爸爸幫手(其實切粒就得架啦, 爸爸走咗去切片…)

切好喇~! 其他材料仲有蜜糖同薑精油

將皂基加熱融成液狀後, 就加入座熱咗o既蜜糖, 薑茸及薑精油攪混

待涼後, 挑起面層薄膜就可以倒入皂模

攤一晚就完成啦~! (媽媽唔小心整凹咗少少)

即晚媽媽就拎嚟試用~! 可能媽媽沖涼o既水較熱, 所以沖緊果陣冇乜感覺, 但沖完涼走到開咗冷氣o既客廰就感到身體有一股暖和o既感覺, 仲維持到好一段時間~~~好舒服~! (相信日後就算坐完月, 有傷風感冒時用都會有舒緩作用~!)

媽媽特別預多咗材料, 為的就係將製成品都送畀身邊o既大肚朋友, 仲未收到o既就call我啦~!