呢晚, 晢晢見到廚房有隻檸檬, 就同媽媽講…
晢晢:『媽咪, 我想食橙呀!』
媽媽:『吓? 屋企冇橙喎!!??』
晢晢:『有呀! (指向高處的水果籃) 呢度咪有個橙囉~!』
媽媽:『吓? 呢個檸檬嚟過喎…』
晢晢:『咁我擠檸檬汁啦, 因為擠檸檬汁好好玩架~!』
就這樣, 一個美麗的誤會… 媽媽就要開檔畀晢晢擠檸檬汁… 不過, 淨係擠檸檬汁好悶啫, 所以又會畀佢試味
, 又考考佢太酸要加D乜嘢平衡返!? 吖~~~ 原來晢晢都有D concept過喎, 想到太酸要加水同蜜糖中和返~! 
鍛鍊小肌肉的好活動~~ 唔錯唔錯~!
到試味時間~~ 由無添加檸檬汁到加咗水同蜜糖… 過程, 唔重要, 最重要係, 媽媽發現晢晢實在太有潛做飲食節目中的主持
(啫係『好味呀轁轁』嗰類 = . = …)!!! 明明酸到爆, 但試完仍會落力地擠出笑容!!! 好專業啊!!! 
看看晢晢的表情變化~~
Level 1 – 無添加檸檬汁 (皺住眉頭笑)
Level 2 – 第一次加蜜糖及水 (面有難色)
Level 3 – 第二次加蜜糖及水 (好味到要同Ciki姐姐分享)
實在笑到媽媽肚痛!!
晢晢, 唔做戲真係哂咗你!!! 哈哈!!!
沒有留言:
張貼留言