周身郁… 影極都冇張靚…
今堂前庭訓練活動有新玩意, 其中一個係『雙人韆鞦』, 兩個BB背對背的坐在一大韆鞦上, 然後前後左右地搖他們~! 陶陶一如以往玩到卡卡聲笑
, 而且似乎已知道『玩韆鞦要緊握扶手』, 唔駛媽媽提, 已經會自動自覺捉實兩旁的繩, 危機意識高咗
~!
另一玩意是『空中飛人』, 首先BB要自行爬高一級, 然後坐上一吊架上, 由一端飛到另一端, 最後『sir』到大cushion上~! 陶陶呢隻大舊飯仲未識得爬高一級
, 但飛及『sir』嘅過程就好享受
~~~
到感觀房(黑房), 媽媽本打算由得陶陶自己自由選擇, 誰不知個衰妹只扒在地上不動(最多只係爬兩步
!), 媽媽見狀唯有抱佢看『魚魚』和拉『電線簾』, 又係笑到卡卡聲~!
到集體活動時間, 其中一個親子活動是『觸摸不同質地的物品』, 例如油漆掃, 海綿, 白潔布, 觸感球, 刷等… 掃下佢哋手, 腳, 面… 姑娘話呢類活動有助感知及情緒發展
~! 其實媽媽喺『晢晢年代』時已知道呢D活動的好處, 所以喺陶陶出世不久已不時畀不同物料畀佢接觸, 冷vs暖, 粗vs幼, 軟vs硬, 稀vs杰… 感覺上, 陶陶的情緒似乎真的比較穩定
(很少扭計, 又勇於嘗試不同活動)… 似乎真的有關係~!
第二個親子活動是『按摩』, 搽d baby lotion喺手心, 搓暖咗就同BB按按手, 按按腳, 按按肚~~ 理應都舒服嘅, 但因為附近太多BB, 少少聲音就會吸引到他們『走佬』, 結果一班家長們就一個二個的捉雞仔, 場面都幾搞笑~! (當晚返到屋企媽媽照姑娘教的方法同陶陶按肚, 結果第二日就痾咗兩次booboo~~ 哈! 都幾有效~!)
到茶點時間~~ 唱TEA TIME歌時幾位BB一齊跟著拍子的拍拍枱
(陶陶當然有份), 仲要係一個拍完到下一個, 一人一拍的, 好可愛~!
今堂食動物餅, size不大不小, 陶陶雖然識得自己放入口, 但到要食手心裡的餅時就有點論盡, 食到成個拳頭都係口水都仲未食到塊餅! 已經叫Ciki姐姐跟陶陶多多練習, 希望下堂有『好成績』~!
下星期開始中心放暑假, 要到8月中先再見咯~! 
小記: 今堂其中一位BB又是由頭喊到尾
, 可能遇著午睡時間, 所以特別扭, 希望放完個暑假呢位BB會適應到, 一齊開心上課啦~!
沒有留言:
張貼留言