近來爸爸忙於工作, 所以好多時候都得返媽媽一個照顧兩個小朋友… 一個女人仔, 帶唔到佢哋去得遠, 所以節目好多時都係公園, 公園, 公園…
雖然去得多, 但到公園玩小朋友點會厭悶
!? 雖然媽媽好多時都只係呆坐一邊睇住晢晢玩, 但其實媽媽都幾享受喺旁邊觀察晢晢同其他小朋友相處的點滴
… 有時都幾令人哭笑不得… 
例如某日…
晢晢:『小朋友, 我哋唔好行過去呀! 嗰度有壞人呀!』
小朋友無奈的答:『嗰個係我爸爸嚟架…』
又例如某日…
晢晢跟小朋友的開場白竟然是:『哥哥, 你睇下我件衫幾有型~!』
哥哥沒好氣的答:『有幾有型呀…』
又又例如某日…
晢晢:『我有個波呀! 超勁過喎! 我哋一齊玩吖好唔好呀???』
小朋友:『好呀!』
很無厘頭, 但看出他的童真! 又看到晢晢的語言和社交能力都不錯啊~!
不過, 有時遇到些較內歛的小朋友, 都會被晢晢的主動嚇跑
~! 有時媽媽見狀會勸晢晢:『不如媽咪陪你玩啦~!』晢晢郤扁著咀答:『點解小朋友唔同我玩啫?
』去到呢d位, 媽媽又不知如何答下去…
又有時遇到啲比較頑皮的(例如上次那『3人組』), 媽媽都會感到很氣憤!! 
很鎖碎, 但這些點點滴滴, 就是晢晢美好的童年回憶的一部份…
雖然媽媽很忙, 也會繼續努力的記著記著…
小記: 值得一讚, 晢晢實在是個十分有分寸的小朋友, 看見有其他小朋友在附近, 即使玩到興高采烈都不忘注意安全, 懂得保持距離避免碰到別人~! 有時帶了波波到公園玩, 看見年紀小的小朋大又懂得輕力拋波給對方一起玩! 很有大哥哥風範!!! 
沒有留言:
張貼留言